Lugo, 29 de agosto de 2013.- O Grupo Provincial do Partido Popular presentará unha iniciativa plenaria para o seu debate na Deputación de Lugo e que tamén lle dará traslado aos concellos da provincia co obxecto de que o ente cree unha liña de axudas específicas que garanta a calidade das festas de interese turístico na provincia, seguindo os principios de universalidade e transparencia.
Así o anunciou esta mañá a voceira do Partido Popular na Deputación Provincial de Lugo, Elena Candia, no transcurso dunha rolda de prensa na que estivo acompañada por deputados provinciais, así como por alcaldes e portavoces dos diferentes concellos lucenses nos que se celebra unha festa declarada de interese turístico galego, nacional ou internacional.
A voceira dos populares explica que o seu grupo “non entendería un voto en contra desta proposta por parte do bipartito provincial, xa que se trata da mesma iniciativa que eles trasladaron á Xunta de Galicia despois de cometer un erro ao dispoñer xa o ente autonómico dunha convocatoria destinada a este fin”.
“Aproveitamos ese nexo de unión que parece existir en relación a defensa das diferentes manifestacións festivas”, explica Candia, polo que “esperamos que a emoción que puxeron ao defender esta proposta no seu momento, a demostren agora, crendo no que din, e votando a favor desta iniciativa na próxima sesión plenaria”.
Redúcese a colaboración cos eventos de interese turístico
A Deputación Provincial de Lugo só garante no 2013 a colaboración, a través de subvencións nominativas, con dous dos 26 eventos declarados de interese turístico galego, nacional e internacional.
Unha situación que segundo os populares se remitiu tamén na pasada anualidade, o que conlevou a unha reducción na achega a través de subvencións nominativas que o ente lucense aporta aos concellos onde se celebran eventos de interese turístico, con respecto a época do anterior goberno do PP na Deputación de Lugo.
“Se ben é certo”, matiza Candia, “que colaboran con diferentes actos festivos a través de subvencións excepcionais”, di a voceira, pero “tamén é certo que o fan sen coñecermos os criterios que seguen”.
“Non colaboran coa festa da faba de Lourenzá declarada de interese turístico, mentres que si o fan con outros festexos para este mesmo fin, que non contan con esta distinción”, exemplifica a popular, quen engade que seguen criterios bastante criticables como que lle outorguen a un concello 63.000 euros para as patronais do seu concello, “cando en todos os municipios se celebran as festas do pobo e se reducen as axudas as festas de interese turístico”.
A popular matiza que “reivindicamos unha liña de axudas que non sigan as cores políticas e que se rexan por criterios de obxectividade, garantindo as axudas a todas as festas declaradas de interese turístico”.
A administración conta coa dotación orzamentaria
A Deputación non se pode escudar en que non ten competencias ou en que carece de dotación orzamentaria para colaborar con estes eventos, cando conta cunha Área de Cultura e Turismo, que manexa nos orzamentos de 2013 unha contía superior aos 800.000 euros para a promoción turística, así como 125.000 euros para festas populares e festexos.
Unha contía, que segundo os populares, se debe repartir seguindo uns criterios claros e preestablecidos, que garanta a colaboración con todos os eventos que dispoñen da distinción de interese turístico e que permiten pór en valor a cultura propia arraigada que se amosa ao visitante.
O goberno bipartito da Deputación de Lugo non optimiza estes fondos, critican os populares, tanto é así que no Plan Estratéxico de Subvención de 2011, Intervención asegura que as actividades subvencionadas teñen unha finalidade que non reviste proxección ao longo prazo, polo que se observa a necesidade de potenciar a estrutura produtiva dos principais sectores da economía da provincia, o agrícola, o gandeiro e o pesqueiro.
Asemade, deixaron sen gastar, segundo explican os populares máis de 140.211 euros na Área de Turismo e 11.000 en presidencia para colaborar con eventos e actividades de feiras, mercados e comercio en xeral.
Polo tanto, os populares só piden que a Deputación Provincial de Lugo, en coherencia co que defenden, creen esta liña de axudas baseada en principios de igualdade e universalidade, e que todas as festas declaradas de interese contén coa súa achega por parte da Deputación de Lugo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
