Foz, 29 de agosto de 2013. Mañá dará comezo a III Festa Normanda de Foz, que se desenvolverá ata o domingo. O alcalde, Javier Jorge Castiñeira, destaca que o día grande será o sábado, co desembarco na hostalería, entre outras actividades.
O rexedor municipal sinalou hoxe que “durante toda esta semana os empregados do Concello de Foz estiveron cos preparativos da Festa Normanda que empezará mañá a partir das 17:30 horas coa inauguración do campamento normando. Despois, ás 19:30 horas, xa na capela do Bispo Santo, de San Martiño, teremos o pregón que vai facer o escritor Francisco Narla, unha persoa que é moi coñecedora do mundo normando, de feito, o seu último libro, Assur, trata precisamente das invasións normandas na costa de Lugo. Ó remate, teremos a propia escenificación teatral da lenda do Bispo Santo por parte dos veciños de San Martiño e despois será a peregrinación ó Concello de Foz, onde se fará unha recepción e unha queimada. A partir de aí xa entramos no día grande, o sábado, onde moita xente vai participar no desembarco, nas actividades de talleres, no mercado normando, que este ano vai ser na rúa Paco Mañón, na zona antiga de Foz, e en moitas actividades de xogos históricos, como a carreira de barrís ou a cucaña”. O importante do sábado será, explica Javier Castiñeira, “sobre todo o desembarco na hostalería, porque sabemos que é un día de estar por fóra e divertirse cos amigos”.
O alcalde espera que “o concello, nesta III Festa Normanda, estea á altura. Temos moitas expectativas porque é unha festa do pobo, na que se está involucrando moita xente e moitos colectivos focenses, dende a propia comisión ata as peñas do Carnaval, e tamén, por suposto, os grupos folclóricos e asociacións. É unha festa que ten unha acollida moi boa, coa que practicamente remata o verán e desexamos que todos os focenses, todos os mariñáns e todos aqueles que nos visitan, gocen dese día. O pobo está moi bonito, moi engalanado, a xente está moi integrada no plan e baixamos ata o século X. Creo que é unha fin de semana bonita para pasala en Foz. Polo tanto quedan todos invitados a vir a Foz e gozar da Festa Normanda como un normando ou un focego máis”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
