José Ramón Gómez Besteiro, candidato á secretaría xeral do PSdeG, percorre este luns de novo varias zonas da provincia de Pontevedra, onde está a afondar nos problemas dos mozos e mozas de Galicia. “Máis que unha política de xuventude, eu quero recuperar a xuventude na política”, afirmou, e incidiu na necesidade de que “todas as propostas socialistas leven consigo unha visión transversal de xuventude, ao igual que de xénero”.
Gómez Besteiro advertiu de que “formar persoas e ter xente cualificada no paro ten un custo social e tamén económico moito maior que calquera das infraestruturas que levamos feito ata agora”. Para exemplificalo, deu un dato: “Máis aló do evidente custo social e persoal, sabedes canto investimos de media nunha persoa desde que entra nun colexio público ata que remata unha carreira e o doutorado? Podemos chegar a investir ata 150.000 euros”, asegurou, segundo datos da Organización para la Cooperación y el Desarrollo e o informe PISA. E mentres, “case 2.000 mozos e mozas vense obrigados cada mes a marchar do noso país para buscar futuro”.
“Galegos e galegas, capaces, cualificados, que estamos a tirar literalmente pola borda da nosa sociedade e mesmo a regalar a outros países”, explicou. “Aí é onde está o despilfarro, e non noutros sitios onde pretende colocalo o goberno de Feijóo, que ante este problema nega becas, recurta o gasto en educación e sinálalles a porta chamándolle mobilidade exterior”, afirma Besteiro, que sitúa como principal problema da mocidade “a falta de emprego e a precariedade laboral”.
No referente aos recurtes en educación, fixo referencia aos case 23.000 profesores menos que hai en España desde que goberna Rajoy, mentres nos últimos dous cursos escolares, o número de alumnos aumentou en máis de 190.000 (un aumento do 3,6% mentres os mestres baixan un 4,5%), con miles de millóns de baixada de investimento. En concreto, exemplificando con Pontevedra, Besteiro fixo referencia a que “os pais e alumnos seguen esperando por centros e infraestruturas necesarias e que mellorarían a calidade e servizo educativo”, como o colexio de Valdecorvos ou o novo edificio do Carlos Oroza, ambos incumprimentos de promesas da Xunta.
O socialista afirmou que en Galicia “non hai política e xuventude porque a dereita non cre nela, porque non lle interesa unha xuventude movilizada e activa, senón invisible e dependente, queren que sexan invisibles e cada vez máis dependentes para que non asuman proxectos sociais e políticos propios”. En contraposición, para os socialistas significa “a forza renovadora do país” polo que “hai que procurarlle emancipación, traballo, vivenda e formación”.
Propostas
Por todo isto, Gómez Besteiro propón como “reto político” para o PSdeG “a incorporación efectiva e temperá dos mozos á sociedade e o mercado laboral”, e esbozou ante a militancia algunhas medidas como “maior investimento” que combine políticas de emancipación e políticas afirmativas, potenciar a interlocución coa mocidade, implicala na execución e avaliación de políticas, colaborar coas escolas de ensino obrigatorio para chegar aos mozos ou realizar un uso efectivo dos fondos dispoñibles da UE. Ademais, Besteiro aposta por “un control efectivo do Estado” sobre a boa utilización dos contratos en prácticas e as bolsas de formación laboral, incentivos ao emprendimiento ou fomento do espírito emprendedor.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
