Ribadeo, 2 de setembro de 2013. O presidente da Asociación de Profesores de Automoción de Galicia, Álvaro Doural, fai unha valoración moi positiva do II Fórum de Innovación e Formación sobre Vehículos e da I Mostra de Coches Clásicos que estes días se celebraron en Ribadeo.
Doural dixo que “observando os obxectivos que estaban previstos o balance é moi positivo, estamos con ganas de continuar e de poñer en marcha novas iniciativas. Na reunión que tivemos da Asociación de Profesores quedou moi claro que isto é un paso máis, que esta entidade se está a consolidar e en breve comezaremos a preparar a programación do vindeiro ano”. O presidente de APAGA referiuse á I Mostra de Coches Clásicos, que rematou onte nos xardíns do hotel O Cabazo de Ribadeo: “grande satisfacción porque moita de xente que pasou ten vehículos clásicos e relacionados con esta actividade. O vindeiro ano se podería facer unha exposición maior así coma programar unha serie de actividades que nos propuxeron os que se achegaron a esta primeira mostra”.
Álvaro Doural subliñou que “o II Fórum de Inoovación e Formación sobre Vehículos contou cun plantel de poñentes moi importantes e a asistencia mantívose coma na edición anterior. Houbo unha novidade neste 2013 que foi a incorporación de máis xente do mundo da empresa, xente que está traballando e que acudiron a determinadas ponencias. É unha actividade que funciona, a xente marcha contenta e nós estamos satisfeitos. De cara a vindeira edición haberá que facer algunha corrección, pero en liñas xerais resultou moi ben”.
Durante o II Fórum de Innovación e Formación sobre Vehículos celebrouse a asamblea xeral da Asociación de Profesores de Automoción de Galicia: “acordouse cambiar os estatutos, xa que levan vixentes 18 anos. Haberá que modificalos e crear unha infraestrutura adaptada aos tempos. Agardamos ter listos estes cambios antes de que remate este ano, cambios que terá que refrendar de novo a asamblea xeral”. Álvaro Doural engadiu que “se van facer actividades de formación, si é posible unha ao mes. Vaise poñer en marcha tamén o proxecto europeo que temos aprobado e que permitirá que 30 persoas acudan a formarse a Francia, Polonia e Romanía”.
A Asociación de Profesores de Automoción de Galicia conta con 100 socios na actualidade, “un número importante. Temos peticións tamén de afeccionados ao automóbil e de profesionais do sector que se queren asociar, de aí que se precise esa modificación dos estatutos á que aludía anteriormente. Seguimos traballando con moita ilusión, vemos que se están a recoller os froitos do impulso que en poucos meses se deu para poñer en marcha todas estas actividades de formación, exposicións, etc”, indicou Álvaro Doural.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
