Inaugúrase mañá en Outeiro de Rei o Museo de Manuel María, na que foi a casa petrucial do poeta: “eu nacín nunha casa moi fermosa/ e, nela, deixei o meu pasado,/ o tempo da nenez, o soño ousado/ e a miña adolescencia tormentosa”, di o vate no libriño dos fermosos “Sonetos á casa de Hortas”. Manuel María mantivo perante medio século (de 1958 ata o pasamento) unha relación moi estreita coa vila de Foz: nela gañou o Premio e Flor Natural nos Xogos Florais celebrados en 1966. Son incontables as veces que “o poeta da Terra Chá”, acudiu para participar nos mais variados eventos: deu os pregóns do San Lourenzo e do Carme; da Feira do Libro; pronunciou conferencias; sobre Foz escribiu numerosos artigos e nalgúns dos seus relatos sitúa aquí o escenario das aventuras; ou simplemente a pasar fins de semana con familia amiga; a Casa da Cultura leva o seu nome e foi aquí onde viviu o derradeiro acto público que protagonizou: foi en abril de 2004.Celebrábase o maratón de lectura que durante algúns anos, arredor do Día do Libro,dedicábase a distintos autores. Nesa ocasión na súa honra. Era venres e aquela tarde, coa súa intervención, dera comezo o mesmo que se prolongaba por vintecatro horas, ininterrompidas, durante as que facían pública lectura de pasaxes da obra as persoas que o desexaban.Había algún tempo que Manuel “andaba coa saúde prexudicada”, según propia expresión, e para o luns tiña cita para unha revisión: así o fixo, descubríndose a doenza irreversible. O poeta retirouse á súa casa coruñesa, camiño da torre de Hércules, da que saía pouco mais que para recibir o tratamento oportuno, e á que a cotío acudían ringleiras de amigos, especialmente xentes do mundo da cultura
Manuel María Fernández Teixeiro, o Poeta da Terra Chá, que por desexo propio, dorme o sono eterno no camposanto parroquial, pretiño da amada Casa de Hortas, agora coa compaña de canto expresa e simboliza toda unha vida inspirada e motivada polo amor á terra. Estamos seguros que o lugar converterase en meca do galeguismo…
suso Fernández
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
