Aberto o prazo de matrícula na escola municipal de música de Foz

A escola municipal de música de Foz ten aberto o prazo de matrícula para o curso 2013-2014 dende hoxe ata o día 30 deste mes de setembro. No centro impartiranse especialidades como linguaxe musical, coro, vento metal, vento madeira, percusión, gaita, piano, corda ou guitarra. Os interesados poden obter máis información e matricularse nas propias instalacións da escola, que están na rúa Alfonso X O Sabio, ou na Delegación de Cultural do Concello de Foz.