Lugo, 17 de setembro de 2013.- O Grupo Provincial do Partido Popular na Deputación de Lugo vén de rexistrar unha pregunta plenaria para a súa resposta na próxima sesión do martes, na que quere coñecer os nomes concretos dos novos patrocinadores do C.B. Breogán.
A voceira do PP na Deputación de Lugo, Elena Candia, explica que o seu grupo trasladou esta pregunta dirixida ao presidente, José Ramón Gómez Besteiro, para ter información máis concreta ao respecto despois das declaracións do vicepresidente, Antón Veiga, nos medios de comunicación e nas que de maneira literal se recollía que “Veiga anuncia que el Breogán tendrá nuevos patrocinadores”.
Candia asegura que o seu grupo agarda ter unha resposta positiva e concreta ao respecto que permita trasladar unha mensaxe de tranquilidade ante a inseguridade que pode xerar a falta de patrocinadores, logo de que o Grupo Provincial do Partido Popular a través dos medios de comunicación se fixese eco de que Leite Río deixaría de ser o máximo patrocinador do C.B. Breogán.
“Queremos coñecer a verdade das palabras de Antón Veiga, e saber quen son cada un destes novos patrocinadores do Club Baloncesto”, que permita reducir a inseguridade alarmante xerada en torno ao Breogán despois dos desatinos da Deputación en materia deportiva, chegando a poñer en risco un “clube” de gran historia e transcendencia na provincia.
O PSOE e o BNG, suspenso en deportes
Os populares anunciaron en varias ocasión a súa postura construtiva e clara a prol do fomento do deporte tanto profesional como de base e defenderon a importante función social, de saúde pública, educativa, cultural, lúdica e económica do Club Baloncesto Breogán.
Ante esta situación, os populares procuran ter constancia da realidade do que esperan que sexa unha xestión concreta, con nomes propios, que permita dar seguridade ao club e lanzar unha mensaxe de tranquilidade, pese as idas e vidas que dende a Deputación se están a dar en relación ao Breogán.
Os populares censuran que o BNG e o PSOE na Deputación de Lugo votaran en contra da proposta dos populares de creación dun plan de viabilidade que garantira a dera seguridade ao futuro dun club que “está a ser utilizado de forma partidista”, tras un proceso de alleamento do paquete accionarial sobre o que xurdiron moitas preguntas e logo de que Besteiro e Veiga tivesen investido nel máis de catro millóns de euros dende o ano 2009.
Dende o Grupo do Partido Popular tamén lamentan o desinterese posto de manifesto por José Ramón Gómez Besteiro, en relación a asuntos de interese para a provincia, e máis tendo en conta que o presidente provincial non foi quen de pronunciarse sobre a situación do Breogán, converténdose no primeiro responsable da institución lucense ao que as propias entidades deportivas lle presentaron alegacións ao orzamento 2013, que reclamaban un reparto máis xusto e equilibrado das subvencións nominativa para deportes.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
