Lugo, 19 de setembro de 2013. Este xoves o BNG presentou unha denuncia ante o Ministerio Fiscal en contra do Partido Popular polas inxurias e calumnias dirixidas polo Partido Popular cara a persoa de Antonio Veiga en condición de Vicepresidente da Deputación Provincial de Lugo en relación a unha suposta trama de asesores do Bloque Nacionalista Galego inventada polo propio Partido Popular, disposto, sempre, “a converter a actividade política nunha lameira” – afirmou Antonio Veiga. Xunto á denuncia, o propio Veiga presentou un dossier con toda a información publicada nos medios onde se comproban as diferentes mentiras vertidas cara a súa persoa e o BNG.
O vicepresidente da Deputación e deputado provincial do BNG, Antonio Veiga, afirmou que “no Bloque Nacionalista Galego non somos partidarios de xudicializar a política, mais non podemos permitir que o Partido Popular siga a converter as mentira e as calumnias no eixo central da súa maneira de facer política de xeito impune”.
Tal e como explicou Antonio Veiga “o Partido Popular sabe e é consciente de que a trama de asesores que se empeña en denunciar non existe, como xa se demostrou con informes do servizo de Recursos Humanos da Deputación e coa Relación de Postos de Traballo da mesma institución. A pesar deses documentos, dos que teñen coñecemento e que incluso se mostraron no último pleno, o Partido Popular segue a mentir e non imos tolerar que nos impute delitos que non existen. Non só me está imputando delitos a min senón que tamén llos está imputando a unha institución como é a Deputación Provincial, un organismo público que ademais, segundo estudos independentes sobre transparencia, é unha das institucións provinciais de todo o Estado máis transparentes na súa xestión.
“Non deixa de ser sorprendente e incluso traxicómico que o Partido Popular se presente como valedor e garante dos recursos públicos cando é a formación dos sobres de Bárcenas. É obvio que o PP non está lexitimado para dar leccións de ética a ninguén cando aínda non son capaces Feijoo nin Barreiro as contas e os donativos ao seu partido recollidos nos papeis de Bárcenas” – afirmou Veiga.
“Desde o Bloque Nacionalista Galego –remarcou Veiga- seguimos insistindo no que xa demostramos varias veces, en que os asesores do BNG nunca cobraron da Deputación sempre estiveron e están adscritos ao Grupo Provincial nacionalista, non á ningunha área dependente do BNG. Todos os traballadores aos que se refiren os populares nunca cobraron dos fondos da Deputación, senón que cobraron e cobran dos fondos asignados ao Grupo Provincial do BNG”.
Por último, Veiga afirmou que “visto que o Partido Popular non rectificou as súas acusacións e insiste en mentir para ter protagonismo, véxome na obriga de presentar esta denuncia ante o Ministerio Fiscal”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
