Foz, 19 de setembro de 2013. O vindeiro sábado, 21 de setembro, ás 12 do mediodía na Casa da Cultura focense terá lugar unha sesión extraordinaria da Academia Auriense-Mindoniense de San Rosendo. O motivo deste acto é a concesión a Foz do título de académico de honra, distinción que o alcalde, Javier Jorge Castiñeira, considera moi importante e que indica a transcendencia que tivo e ten a basílica de San Martiño.
O rexedor municipal indicou que “se trata dun acto moi importante que pon de manifesto a transcendencia que tivo e ten a basílica de San Martiño de Mondoñedo, que no século X era un dos piares importantes da cultura do Reino de Galicia. Foi tamén un lugar importantísimo para unha das personaxes máis relevantes daquel momento, que foi o bispo San Rosendo. El iniciou os seus pasos nesta sede episcopal e pasou aquí grande parte da súa vida, arrincou co seu tío, Sabarico II, a súa longa traxectoria como bispo e coma personaxe transcendental nesa época en Galicia”.
Javier Castiñeira subliñou que “para nós é unha honra recibir este recoñecemento por parte do director da academia e por parte dos bispos de Mondoñedo-Ferrol e Ourense. O noso agradecemento a don Segundo Leonardo Pérez López, como presidente da Academia San Rosendo, por querer estar en Foz para celebrar esta sesión extraordinaria e por recoñecer a importancia histórica de San Martiño de Mondoñedo, unha zona de cultivo da cultura e do patrimonio histórico de Galicia nesa época”.
O alcalde agarda que “os focenses acudan a este acto que terá lugar na Casa da Cultura o vindeiro sábado. Alí intervirán, ademais do presidente da Academia Auriense-Mindoniense de San Rosendo, o bispo de Mondoñedo-Ferrol, o cronista oficial de Foz e eu mesmo, coma alcalde. Ao acto acudirá tamén o rexedor de Ferrol, que recollerá o recoñecemento que tivo o ano pasado”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
