Lugo, 24 de setembro de 2013.- Logo da sesión plenaria provincial celebrada este martes, a voceira do GPP, Elena Candia insistiu en que os populares condenan o franquismo e tódolos réximes totalitarios e criticou que Gómez Besteiro impedise que o seu grupo puidera demostrar a súa repulsa contra calquera réxime totalitario.
“Ao non habilitar, Gómez Besteiro, a votación por puntos na moción presentada polos nacionalistas, non puidemos manifestar a nosa repulsa contra o franquismo e contra tódolos réximes totalitarios”, lembrou Candia.
A popular puxo de manifesto que o seu grupo condena o franquismo, censura calquera réxime totalitario e insistiu en que no seu momento o alcalde de Baralla e Deputado Provincial, Manuel González Capón, xa pediu desculpas polas desafortunadas palabras. Insistiu Candia, que as declaracións vertidas no seu momento, non reflicten nin o sentir do seu compañeiro nin do seu partido.
En relación coa moción do PSOE sobre a declaración da Ribeira Sacra Patrimonio da Humanidade, os populares amosaron o seu voto favorable logo da corrección da exposición de motivos, incluíndo así todos os municipios que forman parte deste territorio.
Neste senso, a voceira dos populares fíxolle entrega, en man, ao presidente da Deputación, dun plano, para que tivese constancia dos concellos que a forman e para que non se volva a producir un descoñecemento deste tipo.
Plan de emprego
A voceira do GPP criticou que Gómez Besteiro, votase en contra de por en marcha un plan de emprego con vocación de continuidade e centrado nos sectores estratéxicos da provincia, dándolle as costas así, a todas aquelas persoas que están a buscar un posto de traballo.
Criticou Candia que Besteiro está a recoñecer que non desenvolve nada en materia de emprego ao manifestar que o vai a facer en breve.
Manifestou Candia que é grave que o presidente da Deputación, conte con máis de catro millóns de euros en remanentes nos orzamentos de 2012, en partidas para fomento de emprego e vote en contra desta moción.
Festas de Interese Turístico Galego na provincia de Lugo
A voceira popular criticou que o bipartito votase en contra de repartir, de xeito equitativo, contías económicas para as 26 festas de interese turístico galego na provincia de Lugo e afirmou que con isto, a Deputación pretende seguir na liña de repartir fondos públicos a través de procedementos excepcionais dos que non se chega a entender os criterios a seguir.
Manifestou Candia que os populares “queremos unha liñas de axudas que non sigan as cores políticas e se rexan por criterios de obxectividade garantindo a colaboración declaradas de interese turístico”.
Besteiro evitou falar de temas de vital importancia
Candia criticou que Gómez Besteiro evitase entrar en asuntos de vital importancia como é a mellora no servizo de abastecemento da auga de Bóveda ou o na readmisión dos traballadores de SUPLUSA despedidos de xeito improcedente.
A Deputación non respecta o dereitos dos populares
Os populares manifestaron que na sesión plenaria non se lle respectaron os seus dereitos, polo que se viron na obriga de abandonar o pleno, facéndoo, concretamente, na segunda quenda de intervención na quenda de preguntas, onde o señor Veiga, non foi quen de enumerar os patrocinadores que asegurou en prensa que tiña o Breogán, demostrando que faltou á verdade.
Os deputados do Grupo Provincial manifestaron estar cansos de que dende o equipo de goberno non se tome en serio a súa labor de control e se eluda dar respostas as preguntas plenarias con actitudes que demostran “falta de respecto e unha clara deixadez de funcións que intentar agochar tras feitos cando menos irrespectuosos”.
Conclúen os populares anunciando que iniciarán os trámites para facer valer os seus dereitos na corporación provincial posto que “non se entende que non se admitan emendas rexistradas en prazo e se debatan algunhas ás que o GPP non ten nin acceso”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
