Foz, 24 de setembro de 2013. A escola municipal de música de Foz trasladarase ao edificio da Casa do Mar para mellorar as súas instalacións. O alcalde, Javier Jorge Castiñeira, e o concelleiro de Cultura, Ánxel Paleo, reuníronse con representantes de 9 asociacións que teñen a súa sede nese inmoble e serán reubicadas. Algunhas delas irán para un local propiedade do Concello que está na Praza de Trégastel.
O rexedor municipal explicou que mantivo esa xuntanza “coas asociacións afectadas polo traslado da escola municipal de música dende o local que ten actualmente, onde leva máis de 20 anos, para a Casa do Mar, que no seu día foi o centro sanitario de Foz e cando se fixo o traslado para o centro de saúde quedou para locais de asociacións, onde están varios colectivos moi activos do concello de Foz”.
O motivo do traslado é “buscar, evidentemente, a mellora do servizo municipal da escola de música, que está nunhas condicións de sonoridade que non son as máis correctas, non é capaz de albergar aos máis de cen alumnos que ten. E, a petición dos propios dirixentes da escola municipal, buscamos unha alternativa, que levaba tempo valorándose e agora demos o primeiro paso con esas asociacións explicándolles cal é o plan do Concello”, engadiu Javier Castiñeira.
O alcalde anunciou que “dentro de seis meses contarase cun local novo para as asociacións, que vai preparar a escola obradoiro na Praza de Trégastel, na urbanización de Vila Miño. É un local que ten uns 200 metros cadrados, onde se albergarán arredor de 7 ou 8 asociacións. E para estes meses que temos por diante fíxose unha proposta para que as asociacións non quedasen sen local neste tempo. Creo que é un plan correcto que vai permitir que a escola municipal de música agora, nos mes de outubro, poida facer xa esa mudanza a un sitio con moitísimo mellores condicións de sonoridade, de autonomía, de independencia e de espazo, necesarias para dar un bo servizo. Estamos moi contentos co funcionamento da escola municipal pero, evidentemente, tratamos de mellorar”.
Castiñeira destacou tamén que o obxectivo final do equipo de goberno é “centralizar nos locais que hai na Casa do Mar todo o referente á música, polo que dentro de seis meses alí estará a escola de música máis as catro asociacións que hai agora mesmo no núcleo urbano dedicadas á música e ao baile, que son A Subela, O Feitizo, a coral polifónica e o grupo Latexos”.
O rexedor local comentou ademais que “é un traslado demandado para mellorar moito o servizo que se dá na escola municipal de música. E con esa nova instalación de locais para asociacións na Praza de Trégastel conseguiremos dar servizo a todas elas”. E rematou dando as grazas pola “boa dispoñibilidade de todas estas asociacións que van permitir ese cambio. Esperemos que dentro de seis meses estea todo funcionando con normalidade e con servizos moito mellores”.
Na xuntanza, celebrada onte, participaron representantes dos colectivos A Pomba do Arco, asociación de veciños O Castro, Afammer, Santiago de Foz, Os Sendeiros, coral polifónica de Foz, A Subela, O Feitizo e Latexos.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
