Lugo, 26 de setembro de 2013. A delegada territorial, Raquel Arias, resaltou o impulso que para a promoción da provincia representou o desenvolvemento da campaña “…E para comer, Lugo” na pasada edición da Vuelta a España 2013, promovida pola Xunta de Galicia e a Asociación Provincial de Empresarios de Hostalería de Lugo.
Arias compareceu en rolda de prensa para facer balance da iniciativa xunto co presidente da Asociación Provincial de Hostalería, Cheché Real, e o da asociación de Avicultores da Raza Galiña de Mos, Francisco José Monasterio.
A comitiva de “E para comer… Lugo”, da que forman parte nove denominacións de orixe, tres asociacións de produtores e tres empresas lucenses, repartiu 60.000 aperitivos e recibiu 25.000 visitas, o que supón un incremento do 20% con respecto aos rexistros do pasado ano. Ademais, distribuíronse 8.000 exemplares da guía “…E para comer, Lugo”.
A delegada destacou que “máis de 150 países proxectaron esta proba a través dos medios de comunicación, o que revela que a Vuelta abre unha enorme fiestra para a difusión e a internacionalización da marca Galicia no seu conxunto, e de Lugo e da súa provincia en particular, neste caso”.
“Ningunha feira –engadiu Arias- é equiparable á capacidade que ten esta singular iniciativa, que por segundo ano desenvolvemos no marco de La Vuelta, para chegar a multitude de territorios e de persoas”.
O presidente da Asociación Provincial de Hostalería, Cheché Real, abundou tamén na idea de que “durante máis de vinte días Lugo estivo á vista do público e de moitos medios de comunicación, e estamos moi satisfeitos do resultado desta iniciativa que para nós cumpriu o seu obxectivo: ser escaparate da provincia de Lugo e polo de atracción de turistas”.
Real incidiu no incremento de visitantes, “aos que habería que sumar as miles de persoas que conforman o grande equipo organizativo de La Vuelta e que tamén foron asiduas do noso stand”.
Tanto a delegada como o presidente dos hostaleiros lucenses agradeceron a participación “altruísta dos produtores colaboradores”: Os consellos reguladores de Ribeira Sacra, Ternera Galega, Queixo Arzúa-Ulloa, Queixo de San Simón da Costa, Pataca de Galicia, Castaña de Galicia, Grelo de Galicia, Pemento de Mougán e Agricultura Ecolóxica de Galicia, así como os armadores de Burela, galletas mariñeiras Daveiga, a queixería Marqués de Cernadas, e as asociacións de criadores de Galo de Mos, Ovella Galega e Porco Celta.
Impacto económico
A delegada territorial da Xunta lembrou que esta iniciativa reforza o impacto económico que La Vuelta ten para a provincia, que da resultados inmediatos dende o momento en que a ronda ciclista atravesa a provincia, como ocorreu por segundo ano consecutivo na presente edición coa etapa que arrancou de Sober. Así, estímase que a proba xera cada día un movemento económico de arredor dun cuarto de millón de euros polo territorio que atravesa.
Arias confiou en poder reeditar este proxecto “que conxuga deporte, desenvolvemento económico e promoción exterior” e que ven a sumarse ao “traballo que realiza a Axencia Turismo de Galicia para ordenar e difundir a oferta turística lucense”.
Ao respecto, a delegada sinalou que “estamos no bo camiño”, segundo reflicten os “extraordinarios datos” alcanzados en agosto. A provincia alcanzou ese mes as 160.000 pernoitas en establecementos hoteleiros e un incremento de viaxeiros aloxados do 21,5% con relación ao pasado ano, rexistros que confirman a tendencia acumulada de todo o ano. Entre xaneiro e agosto superouse nun 11,4% a cifra de viaxeiros aloxados e nun 9,8% o nivel de pernoitas do mesmo período do 2012.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
