CERVO .- A edil de Cultura e Xuventude do Concello de Cervo, Chelo Gallego vén a saír ao paso das declaracións efectuadas desde o Grupo Municipal Socialista coas que pretendían sementar incerteza respecto da celebración das festas estivais na localidade de San Cibrao. O Concello de Cervo garante que, tanto as festas patronais como a cita de interese turístico galego A Maruxaina, terán lugar tamén este ano “sen ningún tipo de dúbida e como non podería ser doutro xeito”. De feito a titular do departamento de Cultura explica que xa están a traballar para perfilar aquelas actividades que, dentro do programa das festas patronais están directamente organizadas polo Concello. Máis en concreto explicou que haberá un pasarrúas moi especial “que transformará San Cibrao nun territorio pirata”, grazas á colaboración da actual Consellería de Cultura da Xunta de Galicia e tamén se perfilan as tradicionais veladas de teatro, que cada ano teñen lugar nesta localidade
OS VECIÑOS NO PESO DA ORGANIZACIÓN
“Este Grupo de Goberno sempre valorou como algo positivo que sexan os propios veciños quen organicen, impulsen e promovan as festas de cada localidade. O Concello de Cervo colabora coas distintas comisións organizadoras neste obxectivo e manifesta publicamente o seu compromiso de seguir facéndoo. Se ben é certo que neste momento a Comisión de Festas do Carme e Maruxaina decidiu que había que renovar os seus membros, desde o Concello de Cervo estamos a manter contactos con distintos colectivos culturais e asociacións para que poidan involucrarse na organización”. En calquera caso, as circunstancias de crise económica obrigan a que este tipo de actividades teñan que desenvolverse de acordo co principio de austeridade que non ten por que estar rifado coa calidade e ou co máximo divertimento de todos os veciños.
O PSOE SEMENTA INCERTEZA, PERO NON COLABORA
Chelo Gallego lamenta que o PSOE de Cervo se estea a converter nunha organización política que busca protagonismo nos medios difundido rumores, pábulos e incertezas sen ningún tipo de fundamento. “Pero canto toca traballar e arrimar o ombreiro, agochan a cabeza e non son capaces de achegar as axudas que están a outorgar para actividades similares noutros concellos desde a Deputación. Todo iso pese a telas solicitadas os propios organizadores.”
A edil de Cultura amósase convencida de que Lara Méndez discrimina dun xeito deliberado e consciente ao seu pobo, “porque aínda non asumiron que elección tras elección os veciños non amosen o seu apoio aos socialistas”. Seguramente en vez de criticar o que deberan facer e adiantar o que ata o de agora veñen negando desde a Deputación e, no seu momento, desde a Xunta bipartita en beneficio das distintas Comisións de Festas. “Que o PSOE e as administracións que eles xestionan ou xestionaron non se estaban a comportar como uns aliados o saben ben os homes e mulleres que se esforzan por organizar un conxunto de actividades para o goce de todos os veciños”- asegurou a concelleira de Cultura e Xuventude
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
