O festival Espazos Sonoros desprazarase, unha edición máis, ata a Mariña de Lugo o domingo día 13 de outubro, para ofrecer unha xornada completa de lecer e música arredor dunha das xoias do noso patrimonio histórico, o conxunto industrial de Sargadelos.
A xornada comezará pola tarde, ás 17.00 h, cun roteiro polo conxunto histórico das antigas Reais Fábricas de Sargadelos (Cervo) guiado pola directora do Real Patronato de Sargadelos, Elisa Pérez Vázquez. O paseo levará aos asistentes a carón do río, a través do chamado Camiño Real, visitando os muíños, a canle hidráulica, a fermosa fervenza do Paseo dos namorados e o recinto da siderurxia, interpretando os restos do noso pasado industrial do XVIII. De volta, estaremos tamén na Casa da Administración, hoxe sede do Museo Histórico de Sargadelos.
Logo deste paseo, ás 19.00 h, asistiremos, no auditorio da moderna fábrica de Sargadelos, ao espectáculo de danza contemporánea Habelas, da Cía. trasPediante, unha peza escénica multidisciplinar que mistura a música en directo, a danza, a maxia e o audiovisual e que recolle da memoria colectiva a nosa relación entre os ritos populares e o corpo. Habelas está protagonizada por Begoña Cuquejo e Marta Alonso, con música ao vivo do zanfonista Ariel Ninas.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
