O G. M. Socialista de Burela, a través da súa concelleira, Lucía Bouza, ven de presentar unha moción para o seu debate no próximo pleno. Esta moción ven a solicitar o apoio dos grupos políticos con representación municipal para un documento que o C. C. Buril presentou hai xa uns meses ante a Consellería de Cultura, Educación e Ordenación Universitaria da Xunta de Galicia solicitando a declaración de Ben de Interese Cultural para a Igrexa da Vila do Medio e as pinturas murais que alberga no seu interior. O Colectivo reuniuse con todos os grupos políticos para presentarnos o traballo e solicitar colaboración para debatir e aprobar unanimemente en pleno un documento de apoio a esa solicitude. E iso foi todo o que nos pediron.
Mais o goberno do Partido Popular decidiu non apoiar a petición do Colectivo nese momento alegando que quería saber primeiro cal era o estatus legal das pinturas posto que, segundo as palabras do Alcalde, hai xa moitos anos fixérase algo ao respecto e non sabían que pasara exactamente, polo que quería investigar o tema.
Dende o PSdeG-PSOE, preferiríamos que este apoio non se fixera mediante moción, senón que o ideal sería facer unha proposta de todos os concelleiros do Pleno (tal e como Buril propoñía) mais, como aínda non sabemos o froito que deron estas investigacións, e como sabemos que a Lei do patrimonio cultural de Galicia é clara ao respecto, posto que hai un artigo que fala da caducidade dos expedientes, decidimos presentar esta moción. Facémolo tamén por responsabilidade, posto que compartimos as ideas do Buril manifestadas no texto mencionado xa e que di que “as pinturas murais da Igrexa da Vila do Medio constitúen unha obra de grande importancia histórica, artística e patrimonial, non só para Burela, senón para a arte galega en xeral. Estas pinturas veñen padecendo un importante proceso de deterioro desde que foron descubertas a principios dos anos 70 do pasado século, presentando actualmente un estado de conservación que urxe unha rápida actuación para garantir a súa preservación ao longo do tempo, así como para a súa posta en valor como parte fundamental da nosa historia artística e cultural”.
Por todo isto, dende o G. M. Socialista, solicitan que se aproben os acordos que Buril propuxo a todos os grupos no seu texto:
1. O Pleno do Concello de Burela, reunido en sesión ordinaria, apoia unanimemente a petición de declaración de Ben de Interese Cultural (BIC) en calidade de monumento para a Igrexa da Vila do Medio e para as pinturas murais conservadas no seu interior; petición que foi realizada ante a Consellería de Cultura polo Colectivo Cultural Buril, asociación cultural sen ánimo de lucro que desenvolve a súa actividade en Burela e que ten entre os seus fins a promoción e difusión da cultura galega en calquera das súas manifestacións.
2. A Corporación Municipal de Burela apoia a petición realizada polo Colectivo Cultural Buril, baseándose no feito de que as pinturas murais desta igrexa posúen un grande interese histórico-artístico no conxunto do patrimonio cultural galego e porque, ademais disto, sufriron un importante deterioro nos derradeiros anos, polo que a súa protección é moi urxente, sendo a declaración de BIC o primeiro paso para que as pinturas acaden a debida protección.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
