Nos vindeiros días 11,12 e 13 de outubro terán lugar na hostalería do casco histórico de Viveiro unhas xornadas gastronómicas un tanto peculiares.
Baixo o nome de ACERCA2 Ó MAR e promovidas pola asociación de comerciantes Casco Histórico de Viveiro, Aspanane e Iniciativa PRATO_DO , a idea é realizar unha clara aposta por ter unha achega máis ó medio mariño que tan importante é para Viveiro, á vez que os locais de restauración do Casco Histórico se podan ver beneficiados da organización dunhas xornadas que reactiven a economía local aínda que só sexa por uns días.
Trátase de dar a coñecer dun xeito distinto produtos pesqueiros típicos da nosa zona, collidos na pesca de cerco e de baixura, mediante a realización destas xornadas gastronómicas.
Acercar estes produtos ó consumidor e ensalzar a súa calidade e o seu sabor, amosando novos xeitos de preparalos. Poñer en valor produtos tradicionais, moi introducidos na nosa gastronomía pero ás veces pouco valorados, e abrindo novas formas de preparalos para fomentar un maior consumo entre a poboación da zona. Todo elo có compromiso de adquirir os produtos ós pescadores e produtores da zona.
PRATO_DO centra a súa actividade de TAPERÍA RESPONSABLE ITINERANTE no deseño de tapas segundo produtos naturais ou ecolóxicos, de tempada e de cada un dos lugares que visita, para a partir de aí conferir a cada tapa un nome sobre unha temática en concreto e asignarlle un icono nutricional que mostre a propiedade nutricional máis característica da tapa.
Por tanto estaremos a falar de tapas como o angazo, a galleta ou de aparellos propios do marisqueo a pé como son o sacho, o angazo ou a rasqueta ata técnicas mariñeiras como o palangre de fondo, de superficie ou mesmo o palangrillo. A intención é xerar unha comunicación arredor do mar entre a clientela que se achegue a probar as tapas. Á vez que recordan ou aprenden algún aparello de mar ou manobra mariñeira poderán recoñecer unha certa característica nutricional que teña o peixe usado na tapa en cuestión.
ASPANANE encargarase de deseñar e fabricar os recipientes de cerámica onde se servirán estes manxares, e poñer de relevo un arte tan tradicional como a cerámica e o barro. Así mesmo, o sábado 12 de outubro e o 1 e 2 de novembro instalaranse na Praza da Fontenova para amosar e por á venda os seus traballos.
As xornadas terán a súa continuación na fin de semana do 01,02 e 03 de novembro coincidindo coa ponte de defuntos que habitualmente xa serve de reclamo para visitantes e que nesta ocasión poderán ter un entretenemento máis.
Nesta primeira xornada particiaparán un total de 11 locais onde se poderán degustar as seguintes tapas:
1- Chincho en tempura con maionesa picante no Restaurante O Muro
2- Cachopo de merluza en salsa de marisco
3- Cebiche de pescadilla
4- Polbo á vinagreta
5- Caldeirada de polbo
6- Rape con fabas de lourenzá no Bar Resturante Normandy
7- Xurelo en escabeche
8- Brandada de pescadilla
9- Pastelón de algas, wakame e mexilons no Copas Bar.
10- Niguri de xurelo á galega
11- Pescadilla en escabeche dominicano con puré de pataca no Bar Delicias de Galicia.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
A semifinal do Mundial poderá seguirse este martes ás 21.00 horas na Praza Maior.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
