O voceiro municipal do grupo nacionalista en Xove preguntou no debate plenario celebrado onte na Casa do Concello sobre as razóns da exclusión do alumnado de Xove das axudas anunciadas polo Partido Popular para seis concellos da nosa bisbarra co obxecto de potenciar o programa de redución do abandono escolar. Marco López criticou que o Goberno galego achegue 70.000 euros para financiar actividades en diferentes municipios da Mariña e que Xove non reciba nin un céntimo deses cartos por non ter solicitado esta subvención.
Nesta liña, os nacionalistas presentaron un rogo para que desde o Concello de Xove se preste a máxima colaboración cos centros escolares do municipio á vista do peor comezo de curso que se recorda, coa supresión do dereito a comedor gratuíto a todo o alumnado con dereito a transporte e a inseguridade na aplicación do decreto de comedores escolares, co estabelecemento dun repago de 4,5 euros por pícaro e o consecuente mercantilismo desta parte esencial da educación obrigatoria dos menores. O portavoz do grupo municipal do Bloque manifestou que “a Xunta si que se acorda de Xove para que as familias paguen 90 euros ao mes polo comedor, pero non para recibir subvencións que poidan previr o abandono escolar”.
Noutra orde de cousas, o BNG tamén interrogou o goberno local coa finalidade de saber se os envases de plástico, latas e briks que se botan no colector amarelo son finalmente reciclados ou, polo contrario, reciben o mesmo tratamento que o lixo do colector xenérico. Tamén se interesaron pola acumulación de plásticos e rodas nun monte situado na traseira do campo municipal de fútbol, concretamente no acceso ao depósito, e mais preocupáronse polo remate da limpeza e baldeo das beirarrúas na Avenida Deputación.
Por último, desde o Bloque amosaron o seu malestar polo feito de que ningún concelleiro ou concelleira do Partido Popular asistira ao convite da Asociación de Emigrantes Retornados da Mariña feita a todos os concelleiros da corporación para unha reunión informativa celebrada o pasado venres. Unha xuntanza na que Marco López expresou o apoio do seu grupo municipal ás demandas dos emigrantes e, asemade, criticou a ausencia dos populares xovenses. Un feito que non lle gustou ao alcalde do Vicedo, a quen Demetrio Salgueiro designou como “representante oficioso de Xove” para que falara na reunión no seu nome. Jesús Novo, anoxado pola crítica realizada por Marco López, insultou o dirixente nacionalista e, tras pedírenselle explicacións pola súa actitude, ratificou os seus insultos en repetidas ocasións nunha actitude que o portavoz xovense do BNG cualificou de “propia de pícaros” e “ausente das máis elementais normas de cortesía”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
