Viveiro, 11 de outubro de 2013.- O portavoz do Mar do Grupo Popular, Jose Manuel Balseiro, presentou este venres en rolda de prensa unha iniciativa na que se solicita o rexeitamento do Parlamento de Galicia ante a proposta da Comisión Europea pola que se pretende prohibir, de xeito gradual, o uso das artes de pesca de arrastre e de enmalle nas pesquerías de augas profundas.
Balseiro xulga de “inaceptable, inxustificable e desproporcionada” esta medida que pode aceptar ao futuro de 300 embarcacións galegas e fronte a que busca acadar os apoios da Consellería do Medio Rural e do Mar –que xa deu conta do seu respaldo- dos eurodeputados españois e do Ministerio de Agricultura, Alimentación e Medio Ambiente.
Acompañando ao portavoz do Mar, estaban o tamén parlamentario mariñán, Vidal Martínez-Sierra, o alcalde de O Vicedo, e responsable de pesca do PPdeLugo, Jesús Novo, a concelleira do Mar de Burela, Patricia López, e os portavoces locais do PP de Viveiro, Antonio Bouza e de Ribadeo, Jesús López Penabad; ademais do deputado nacional Jaime de Olano. Todos comparten o rexeitamento ás teses de Bruxelas e a preocupación polo futuro dun sector de importancia dentro da flota galega e comarcal.
REFORMA DO REGULAMENTO
Balseiro explicou que a Comisión Europea (CE) propuxo unha reforma dos Regulamentos comunitarios que implicaría a eliminación progresiva das autorizacións de pesca por medio de redes de arrastre de fondo ou de redes de enmalle, unha decisión que afectaría a buques españois, franceses e portugueses e, moi en particular, galegos. A súa vez o Parlamento debate un informe, promovido por un eurodeputado socialista grego, Kriton Arsenis, partidario destas teses.
A escusa empregada polos defensores desta proposta é a de evitar capturas accesorias e a degradación do fondo mariño en zonas vulnerables, pero Balseiro lembra, que os primeiros interesados en desenvolver unha actividade pesqueira sostible son os profesionais do sector, “evitando a sobreexplotación dos recursos e zonas de corais onde poden engancharse os aparellos”. Nesa liña considera un erro prohibir o arrastre na súa totalidade e di que como alternativa “deberan determinarse as áreas prioritarias de traballo, os solos areosos e fangosos”.
ARRASTRE DE FONDO
Balseiro tamén explicou que, de levarse acabo a proposta de Bruxelas, provocaría un impacto negativo na competitividade dun amplo sector da flota galega composto de máis de 300 embarcacións que dan emprego directo a entorno a 2.500 profesionais
Falamos, explicou Balseiro, de 164 arrastreiros, que faenan en augas internacionais, de Gran Sol e do litoral cantábrico, 140 buques que faenan con artes de enmalle na costa litoral cantábrica, 100 da flota de artes menores e 10 máis que faenan baixo outras bandeiras comunitarias, pero de capital galego.
Desde o punto de vista económico se estima que este sector podería verse afectado por perdas estimadas en 80 millóns de euros e, no ámbito social, ameazaría a uns 2.500 empregos. Cifras “que dan mostra de que estaríamos nunha decisión amplamente negativa para Galicia”-segundo o voceiro popular.
PESCA EN AUGAS PROFUNDAS
A pesca de arrastre de fondo en augas profundas do nordeste Atlántico ascende a unhas 34.300 toneladas, é dicir, ao redor do 1 % do total de desembarcos na zona (3,5 millóns de toneladas).
Os buques activos nas pesquerías de augas profundas son os grandes navíos que operan na costa oeste das illas británicas, baseados principalmente en Galicia, Asturias, o País Vasco, Bretaña e Normandía (Francia). Pero tamén inclúe aos buques que se dedican á pesca artesanal de palangre en zonas ultraperiféricas, como as illas Canarias, Azores ou Madeira.
A captura de recursos de augas profundas é un complemento para os ingresos dos pescadores, sobre todo de altura, dedicados a extraer especies principais como a pescada, o rape ou o fletán.
A MARIÑA
No caso concreto da Mariña lucense o número de embarcacións afectadas por esta medida achegaríanse a preto dun centenar, 44 barcos de palangre de fondo, de NEAFC e Caldoiro Nacional, 31 de arrastre, 4 de enmalle e volantas, e un pequeno número de artes menores.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
