O Concello de Ribadeo deu a coñecer este sábado as actividades organizadas para os centros de ensino durante o curso 2013/14.
A proposta para este curso divídese para en diferentes actividades para Primaria e Secundaria; aínda que algunhas delas coinciden. Así, por exemplo, e por primeira vez, inclúese o programa de prevención de drogodependencias e trastornos aditivos tamén no último ciclo da Educación Primaria, 5º e 6º. A proposta do Cinensino consiste na educación en valores a través do cinema para traballar posteriormente con material didáctico específico. Tamén dirixido ao mesmo colectivo se desenvolverán catro Obradoiros de Saúde. Así mesmo, continuarase a traballar nos catro cursos da ESO, e nos ciclos medios que sexan solicitados dende o CIFP, temas coma o alcohol, o cannabis, a realidade do consumo de drogas, a influencia da publicidade ou o uso das redes sociais. Estas actividades tamén se estenderán ao ámbito familiar co programa ‘Medramos falando’. E, no ámbito comunitario, a información actualízase diariamente na páxina de facebook AdicciónsZeroRibadeo.
Outra das actividades comúns, tanto para alumnos e alumnas de Primaria coma de Secundaria, organizadas polo Concello será o photocall ‘Gústame o galego’ que se achegará a Ribadeo nos días previos ás Letras Galegas e que irá precedido dun traballo previo.
E, dirixido aos alumnos de Primaria, está previsto solicitar á AGADIC o espectáculo musical ‘A nena e o grilo nun barquiño’, o novo libro-disco de Magín Blanco.
Rádares xuvenís, igualdade de xénero e lingua
Para os mozos e mozas da ESO, dende o Concello “queremos, desde esta administración local, colaborar cos centros de ensino do municipio con actividades que desde unha perspectiva externa ás aulas redunden na configuración dun pensamento crítico, ético e comprometido e no coñecemento da sociedade actual sobre todo a través das súas cuestións non resoltas”. As súas propostas xiran arredor de tres temas: a creación de rádares subvenís / antenas móveis que sirvan de enlace entre os centros de ensino e o Concello, a igualdade de xénero e a lingua.
O espectáculo para a prevención da violencia de xénero “I’ll be watching you”, do grupo Chévere, é un proxecto pedagóxico, teatral, lúdico e musical que analiza os roles de xénero que transmiten as cancións de temática amorosa da música comercial de consumo masivo. O evento terá lugar o vindeiro martes 15 de outubro no Teatro de Ribadeo entre as 12.00 e as 13.00 horas.
Na senda da igualdade de xénero tamén se levará a cabo unha campaña de promoción do deporte femenino en varias fases. En primeiro lugar, recolleranse datos sobre a desigualdade de xénero na práctica deportiva en Ribadeo; ademais de consultar o punto de visto dos clubs en diferentes reunións. A segunda fase consistirá nunha campaña gráfica e outra reivindicativa na que se recollerán sinaturas para facer saber o malestar pola discriminación ante as Federacións e o Defensor do Pobo. E a terceira, será unha xornada de portas abertas nas que mostrar ás rapazas a práctica de diferentes deportes con presenza feminina minoritaria.
En relación á promoción do galego, ademais do photocall, aos profesores e alumnado da ESO vai dirixida a presentación do libro “Do estigma á estima!, de Valentina Formoso, como recoñecemento da necesidade de reflexionar sobre o modelo de ensinanza do galego nunha franxa de idade onde o noso idioma xoga o futuro.
A nosa historia
Dende o Concello consideran que “o coñecemento da nosa historia é fundamental para interpretar de xeito crítico e responsable o tempo presente”. Polo mesmo, organizan unha visita guiada ao Panteón Real da Catedral de Santiago e “engadimos como parte máis lúdica da visita o percorrido polas cubertas da Catedral”. A viaxe realizarase o vindeiro luns 21 de outubro.
E, finalmente, en relación coa Historia, pero máis estreitamente relacionada coa de Ribadeo, distribuirase entre o alumnado do municipio a obra de Emilio Piñeiroa, “Pegadas da Prehistoria en Ribadeo”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
