Lugo, 14 de outubro de 2013. Este luns presentouse na Deputación a Universidade Rural de Barreiros, un proxecto creado polo colectivo cultural barreirense Ollomao, que pretende achegar o coñecemento ao rural, apostando polo propio, pois o rural é sempre tamén o centro do coñecemento. A Universidade Rural de Barreiros botará a andar o vindeiro 28 de outubro e comezará cunha semana de portas abertas onde, de xeito libre, todas as persoas poderán achegarse e se queren, nun futuro, formalizar a súa matrícula. Na presentación participaron o vicepresidente da Deputación, o nacionalista Antonio Veiga; o delegado de Cultura e Turismo da Deputación, Mario Outeiro, e a presidenta do colectivo cultural Ollomao, Tamara Rubiños, maila súa vogal, Sandra Novo.
Para o vicepresidente da Deputación, o nacionalista Antonio Veiga, “esta Universidade Rural nace, como non podía ser doutro xeito, nun sitio pequeno, onde acostuman a ter orixe sempre as grandes cousas e os grandes proxectos” e valorou positivamente tamén “que sexa un colectivo de base o promotor e xestor desta idea, xa que iso dá boa medida de que o asociacionismo está vivo, e que o rural non se rende e resiste, a pesar dos ataques que día a día está a sufrir”. Veiga afirmou tamén que “estas propostas merecen o respaldo da Área de Cultura da Vicepresidencia 1ª da Deputación, pois son as que poden contribuír á mellora da vida no rural, e sobre cando xorden das persoas e colectivos alí radicados, como é neste caso”.
“A diferenza doutros gobernos e doutras institucións que non teñen o mais mínimo respecto polas persoas que viven afastadas das cidades, aplicándolles brutais recortes nos seus dereitos e servizos, nós apostamos polo propio, polo noso, e poñemos todos os recursos posibles á disposición dos e das que seguen traballando nese medio” afirmou Antonio Veiga, que exemplificou estas afirmacións recordando como o goberno de Feijoo eliminou importantes servizos coma “Preescolar na Casa” ou o acontecido tamén co SAF, onde a Xunta se desentendeu totalmente do mesmo, ou o servizo de Teleasistencia Domiciliaria no que o goberno de Rajoy reduciu a súa aportación a 0 euros.
Tal e como explicou a presidenta do colectivo Ollomao, “a Universidade Rural é unha oferta educativa formativa e cultural alternativa dirixida ao medio rural, inexistente até agora neste espazo. O programa divídese en 5 “sementes” ou áreas de coñecementos (que se poderían comparar cos graos das universidades regradas): Ciencias Sociais, Enxeñería do Medio Rural, Ciencias da Saúde, Comunicación e Opinión Pública, e Produción Artística e Publicidade.
O espazo físico onde se van desenvolver estas iniciativas son as escolas rurais, agora sen actividade lectiva. En Barreiros son 13 as escolas rurais existentes coas que tamén se pretende encher de vida a través da posta en marcha da Universidade Rural. É un proxecto que a pesar de ter nesta primeira andaina un obxectivo a nivel local, ten vocación tamén de poder estenderse a mais localidades e comarcas.
Tamara Rubiños destacou que “o funcionamento da Universidade Rural de Barreiros céntrase en permitir que todas as persoas poidan adquirir formación práctica para o desenvolvemento da súa vida, sexa cal sexa o seu nivel de estudos e a súa idade, e non vai dirixida a acadar unha titulación. Por iso aproveitamos as potencialidades das persoas veciñas de Barreiros, e doutras localidades do arredor, que acadaron un nivel de ensino superior e/ou universitario e dispoñen de capacidade académica suficiente para poder transmitir os seus coñecementos a aquelas persoas non formadas nos mesmos”. Todas as persoas que desexen asistir poderán inscribirse contactando co Colectivo Cultural Ollomao tanto no correo-e (colectivo.cultural.ollomao@gmail.com) como por teléfono no 650542932. As opcións de matriculación van dende asistir a unha única semente (15€ en total) ata asistir ás cinco (50€ en total). As opción intermedias serían: 2 sementes, 25€; 3 sementes, 35€, e 4 sementes, 45€; a combinar como cada persoa desexe.
Mario Outeiro, delegado de Cultura e Turismo da Deputación, destacou na súa intervención que “se cadra é o proxecto cultural e educativo máis importarte dos últimos tempos no rural lucense pola súa clara aposta de democratización da cultura. Oxalá isto que comeza de xeito ilusionante perdure e se estenda noutros lugares con semellantes posibilidades”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
