O Burela FS Pescados Rubén vivirá este mércores unha xornada atípica entre semana, coa visita na sexta xornada á pista do Umacón Zaragoza. O pavillón Siglo XXI acollerá a cita ás 21.00 horas.
O cadro laranxa afronta o compromiso lonxe da casa moi motivado e co firme propósito de dar continuidade aos tres importantes puntos recollidos a fin de semana, con H. Llevant Manacor (7-6). “A vitoria ante Manacor foi moi importante para liberar ao grupo dalgúns síntomas de ansiedade. Temos que seguir traballando para mellorar, sobre todo en tranquilidade e paciencia, no aspecto ofensivo; estamos xogando con algunhas revolucións de máis que nos impiden ter maior claridade en ataque. En defensa, debemos corrixir certos desaxustes que nos están custando goles evitables” analizaba así o adestrador, Juanlu, o sopro de aire fresco que supón o seu recente triunfo para darlle confianza ao cadro.
O obxectivo principal dos mariñáns é darlle continuidade a estas boas sensacións, sobre todo antes da visita do gran campión, FC Barcelona (sábado 19, 18.30 horas), aínda que tamén son conscientes de que o rival lles ourtorgará o papel de actores protagonistas. “Ata agora, excepto ElPozo Murcia, todos os equipos estannos esperando para buscar o contragolpe como idea inicial e a responsabilidade de levar a iniciativa é para nós. En Zaragoza esperamos que se repita esta liña”.
En fronte terán a un conxunto desexoso de coñecer a vitoria. Ata o momento só puido subir 1 punto á súa cuadrícula, na primeira xornada con empate 4-4 lonxe da casa con Jaén Paraíso Interior. “Será un partido complicado xa que terán moitas ganas de lograr a súa primeira vitoria, xogan na casa e non será sinxelo aínda que confiamos plenamente en lograr o triunfo” explicaba Juanlu, destacando entre as súas fortalezas a Retamar: “É a referencia do equipo e quen marca o pulso do seu xogo”.
O técnico laranxa poderá contar con todos os seus efectivos, a excepción de Hugo, que cumprirá o seu segundo partido de sanción. Edu, Mimi, David Burrito, Iago Míguez, Isi, Juanma, Matamoros, Christian, Álex, Carlitos e Antoñito compoñen a expedición que partiu esta mañá cara a terras mañas.
Venda anticipada. O Burela FS Pescados Rubén xa ha habilitado a venda anticipada para o segundo Día do Club. As persoas interesadas poderán retirar as súas entradas por adiantado ata o venres na sede do club laranxa (10.00-14.00 // 16.00-19.00). O sábado, en Vista Alegre, estarán dispoñibles desde as 17.30 horas, con taquillas diferenciadas para socios e o resto do público.
PREZOS PARA SOCIOS
Maiores de 14 anos: 5 euros
De 0 a 13 anos: 1 euros
PREZOS PARA NON SOCIOS
Maiores de 14 anos: 20 euros
De 0 a 13 anos: 3 euros
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.