‘Non son D’acó’ na Casa da Cultura de Burela

O próximo venres 18 de Outubro terá lugar a representación teatral da obra “Non son D’acó (nin D’acolá)” da compañía Do Miolo e Cía, enmarcada dentro do Circuito Buxiganga e que dará fin ao programa de Teatro de Outono do colectivo. A obra representarase o venres 18 de Outubro ás 21:30 no Auditorio da Casa da Cultura de Burela. A entrada será de balde para as persoas asociadas ao colectivo Buril e para os menores de 14 anos, e de 2 € para o resto das persoas. A obra sitúanos en Pena da Moura, desolada terra que vén ser a herdanza de Lola, que leva vinte anos en Bos Aires levando, morriñenta, o quiosco que montaran os seus defuntos pais, á porta do estadio de Boca Juniors, e tocando o contrabaixo nun grupo de Tango. Coa escusa de amañar os papeis da súa herdanza, Lola convence os seus amigos para vir a Galiza a gravar un disco.