A decisión da Comisión Europea de propoñer un incremento de capturas de Pescada do Norte (merluza) vén a dar un respiro á flota de Gran Sol que nas últimas semanas viuse na obriga de amarrar os seus barcos ante a inminencia do esgotamento da súa cota.
Decisións como esta non son froito da casualidade, senon dun intenso traballo desenvolvido nos últimos meses, conscientes de que defendíamos unha reivindicación xusta e proporcionada e de que acudíamos ás institucións comunitarias cos deberes feitos, da man do sector, e co aval dunha acción conxunta dos profesionais e das administracións.
Fixeron os seus deberes os nosos pescadores e armadores, que foron quen de demostrar, no sen esforzo, que é posible unha xestión óptima deste recurso transformando unha pesqueiría que se atopaba fóra dos límites biolóxicos, ata levala á situación actual de record histórico por abundancia de biomasa, tras iniciar en 2005 un Plan de Recuperación.
Tamén fixeron os seus deberes os gobernos central e autonómico, que lonxe de estar desaparecidos como algúns pretenderon facer crer, viñan traballando intensamente de xeito coordinado, e xa o pasado mes de xullo o ministro Miguel Arias Cañete e o seu homólogo de Irlanda, dirixían unha carta reclamando á comisaria do ramo o aumento de cota, petición ratificada despois ante o Consello de Ministros da UE que tivo lugar o 17 de outubro, no que achegamos os novos datos científicos dispoñibles do CIEM.
E fixémolo, finalmente, no Partido Popular de Galicia cando tras promover sendas iniciativas de apoio á flota, entre os recelos da oposición, o 25 de setembro de 2013 estas frutificaban nun acordo unánime do Pleno do Parlamento de Galicia instando ás institucións europeas a autorizar este aumento de cota.
Sen lugar a dúbidas, a maior satisfacción terémola cando a proposta sexa unha realidade e os profesionais do mar vexan incrementada nun 27% a súas posibilidades de pesca con respecto á cota inicialmente prevista. Unha porcentaxe que recompensa todo este traballo, e que fará posible que se poida faenar ata finais de ano, para que os barcos deixen de estar amarrados e os nosos pescadores no Gran Sol con porto base en Celeiro, Burela, A Coruña, Ribeira ou Vigo, de calquera outra localidade galega, poidan seguir traballando, nesta Galicia mariñeira.
Jose Manuel Balseiro
Portavoz do Mar do Grupo Popular
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
