Foz, 21 de outubro de 2013. O alcalde de Foz, Javier Jorge Castiñeira, participou a pasada fin de semana no encontro galaico astur de autocaravanismo que se celebrou en Narón e destacou a importancia para o turismo no concello da área de servizo de autocaravanas situada na zona portuaria focense.
“Para min foi un verdadeiro pracer participar no segundo encontro galaico astur de autocaravanistas, un colectivo co que aquí, en Foz, desde hai dous anos temos unha relación espléndida, posto que hai máis dun ano que temos en activo esa área de servizo para autocaravanas na zona portuaria”, manifestou o rexedor municipal, quen salientou que esa instalación “está sendo moi utilizada, é un exemplo de punto de servizo para autocaravanistas e proba disto é que son moitas as autocaravanas e os turistas que pasan por Foz dende hai dous anos. Chegamos incluso a recibir 40 ou 50 autocaravanas diarias de media en verán e en inverno de 10 a 15 todos os días. E acollemos máis de 100 caravanas durante a concentración que se fai aquí, en Foz”.
Por estes motivos para Javier Castiñeira “foi un pracer participar e contar a nosa experiencia ao resto de concellos e a todos aqueles autocaravanistas de Asturias, Galicia e tamén de Castela-León que estiveron presentes, máis de 600 persoas. Nós estamos encantados de que este sexa un punto de referencia, localizado incluso en GPS, para este conxunto de persoas que teñen unha influencia moi importante na súa opinión para o resto de turistas. Hai que destacar que esta xente ten unha rede de información turística moi importante e polo tanto nós seguiremos tratando de apoiar este tipo de turistas, que ao non existir no seu momento este punto de servizo non paraban aquí e pasaban de largo. Un concello turístico coma Foz non pode permitilo”.
O alcalde rematou comentando que “seguimos abertos a recibir turistas, ben sexan autocaravanistas ou afeccionados ao surf ou a calquera outro deporte ou actividade, como pode ser o sendeirismo. Entendo que un concello coma Foz non pode deixar de prestar servizos ao turismo. Neste caso estamos encantados e así o fixemos ver o pasado sábado en Narón”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
