Lugo 22 de outubro de 2013.- O candidato a presidir Novas Xeracións na Provincia de Lugo, Daniel Vega, presentou esta mañá a campaña que baixo o lema ‘Afrontando o presente, e construíndo o futuro!’ levará adiante durante estes días e de cara ao próximo congreso que se celebrará o sábado, 2 de novembro.
Vega referiuse ao programa electoral como “a manifestación do firme compromiso da nosa organización coa mocidade lucense”, ao que engadiu que “este compromiso é o cerne íntimo das nosas ideas e valores”.
O candidato asegurou que este programa “está aberto a todos os afiliados, para que xuntos se poda elaborar un compromiso que represente as inquedanzas dos mozos”, deste xeito, Daniel Vega asegura que se “presenta coa ilusión de impulsar nos vindeiros tres anos un proxecto innovador e reformista que xira sobre dous eixos fundamentais: a participación real da xuventude na política e ofrecer solucións aos seus principais problemas”.
Programa Electoral
O Programa Electoral aséntase sobre dez puntos que se centran tanto no reforzo da formación, como no contacto cos principais sectores. Para loitar contra a lacra do paro xuvenil, os mozos consideran prioritario escoitar e apoiar a todo o sector empresarial; así seguirán tamén mantendo reunións cos sectores máis importantes da provincia, tanto co primario como co terciario para a supervivencia dos establecementos comerciais e turísticos.
Vega no seu programa electoral tamén acolle a creación dunha Asociación Estudantil que defenda os intereses do estudantado na Universidade e na Formación Profesional; comprometéndose tamén a manter unha estreita relación de traballo coas ONG,S e entidades sen ánimo de lucro que traballen cos colectivos desfavorecidos; a maiores de impulsar o Asociacionismo Xuvenil.
Reforzo da formación
Daniel Vega considera que o traballo, a lealdade e o compromiso son os conceptos que definen aos preto de “500 mozos que conformamos Novas Xeracións”, e asegura que “este é o momento de dar un paso máis para que, coas súas ideas e aportacións, logremos acadar, día a día, unha organización máis forte”.
Deste xeito, o programa electoral inclúe o reforzo da estrutura local e comarcal; así como das secretarías da Xunta Directiva Provincial; aumentando a presenza nas redes sociais e creando un órgano que dirixa a Escola de Formación Manuel Fraga Iribarne.
Actos de campaña comarcais
O comité de campaña tamén está a realizar actos por toda a provincia. Así, xa mantivo unha reunión en Foz e ten previsto a celebración este venres dunha xuntanza en Sarria, ás 20.30 horas no hotel Alfonso IX; outra en Lugo o próximo sábado, ás 12:30 horas na sede do PP, mentres que o encontro na Terra Chá será tamén o sábado, pero en horario de tarde, ás 20.30 horas no Hotel Villamartín.
Por último, Vega considera que ao longo destes últimos anos se tentou que Novas Xeracións fose o nexo de unión entre a xuventude e a clase política; ademais de buscar unha ampliación na participación dos mozos, incrementando en afiliados; procurando os contactos cos principais sectores e centrándose principalmente en combater o desemprego xuvenil.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
