A Deputación organizou este mércores, a través do programa europeo Lug02, a quinta masterclass de cociña autóctona en impulso dos produtos autóctonos. Nesta ocasión, a sesión que tivo lugar no Hotel Vila do Val, no Valadouro. A chef Rocío Rodríguez amosou ós 15 participantes como preparar un salteado de setas e espárragos, un cabrito, unha pescada e castañas con mel. O Deputado de Economía do Coñecemento, Emprendedores e Innovación, Alfredo Llano, sumouse a iniciativa, que busca potenciar a comercialización e o consumo dos produtos propios da provincia, mostrando a súa variedade, calidade e todas as súas posibilidades culinarias.
Os participantes nesta iniciativa prepararon pratos baseados en alimentos producidos e comercializados por empresas da zona, que se caracterizan pola súa calidade. O menú cociñado incluíu un entrante de cogomelos salteados con espárragos trigueiros; un primeiro prato a base de cabrito de Pol con mazás crocantes; un segundo con pescada de Celeiro en salsa de ameixas; e castañas con cobertura de mel do Valadouro para a sobremesa.
O proxecto forma parte da aposta da Deputación pola economía medioambiental como oportunidade de futuro para a provincia, capaz de xerar riqueza. Nestas clases, que anteriormente se levaron a Monforte, Cervantes e Chantada, empréganse produtos autóctonos como hortalizas, legumes, derivados da matanza, caza e pesca, entre outros. A Deputación fomenta o uso dos produtos que posúen a súa marca de calidade LugoSabe, postos á venda na primeira plataforma de comercio electrónico da provincia (www.losproductosdelugo.com), creada pola Deputación co fin de crear unha imaxe de marca e abrir novas canles de comercialización para PEMES e autónomos lucenses.
Próxima cita en Viveiro
O programa está financiado nun 80% por fondos europeos a través do programa Lug02. As masterclass están dirixidas principalmente a profesionais hostaleiros e estudantes do ramo, aínda que tamén poden participar veciños en xeral. A próxima cita celebrarase no restaurante panorámico de Viveiro, o 29 de outubro. As prazas son limitadas e as clases son en grupos reducidos favorecer a aprendizaxe, así que os interesados deben apuntarse no teléfono 982-22-13-47 ou en lugo2@deputacionlugo.org.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
