SANTIAGO .- Calquera punto da costa estará a 25 minutos dun helicóptero de Salvamento da Xunta según anunciou a responsable de Pesca, Rosa Quintana. Os tempos resposta que se alcanzarán en Galicia serán “a metade dos que por exemplo, se alcanzan en Inglaterra, onde o Servicio de Salvamento Marítimo está considerado un dos mellores de Europa”.
Referencia
O modelo de salvamento da Xunta estará á cabeza da Europa Atlántica en canto a capacidade de resposta
Calquera punto da costa estará a 25 minutos dun helicóptero de Salvamento, o que supón a metade do tempo de resposta do modelo inglés, considerado un dos mellores de Europa
Cunha maior tripulación e mellor formada aumentarase a eficacia e a eficiencia e os mariñeiros estarán máis seguros
Rosa Quintana anunciou que o 15 de xuño botará a andar o servizo de tripulación presencial as 24 horas do día na base de Vigo
Santiago, 10 de xuño de 2009.- O novo modelo de Salvamento da Xunta terá unha das capacidades de reposta mais rápidas de toda a Europa Atlántica. Os tempos resposta que se alcanzarán en Galicia serán a metade dos que por exemplo, se alcanzan en Inglaterra, onde o Servicio de Salvamento Marítimo está considerado un dos mellores de Europa.
A comparativa con Inglaterra ten senso xa que a costa galega, como a inglesa teñen a mesma clasificación, de resgo medio. Pero co proxecto do PPdG o Servicio de Salvamento con base en Galicia (formado polos helicópteros Pesca I e Pesca II con base en Vigo e Celeiro e o Helimer con base en Coruña) mellorarase nun 50% a cobertura dada polo servicio británico na súa costa.
Rosa Quintana anunciou que o 15 de xuño botará a andar a base de Vigo para prestar servicio as 24 horas do día con tripulación presencial. A conselleira do Mar, Rosa Quintana, garantiu que co aumento dos recursos humanos mellorará o servicio aéreo de rescate no mar, de modo que calquera punto da costa estará a 25 minutos dun helicóptero de Salvamento, polo que o tempo de resposta en caso de accidente será menor que cunha nova aeronave.
A titular de Pesca anunciou hoxe no Parlamento as novas medidas que tomará o seu equipo en materia de Salvamento Marítimo para aumentar a súa eficacia e eficiencia. Así, incrementáranse tanto as tripulacións de Vigo e Celeiro, para que os pilotos estean operativos na base as 24 horas do día os 365 días do ano, como as súas horas de voo, de xeito que se adapten ó estipulado a nivel europeo.
As tripulacións contarán cun programa de adestramento exhaustivo para casos de rescate de persoas, dende a auga e dende balsa, en condicións sen visibilidade e a Consellería do Mar levará a cabo un programa de Calidade e Seguridade mediante a xestión e o control de operacións de emerxencia e adestramento.
Rosa Quintana defendeu que a decisión do seu equipo de dar marcha atrás á compra dun terceiro helicóptero de Salvamento responde a criterios técnicos e recalcou que “máis helicópteros sen pilotos non son necesarios”. Así, considera que un terceiro helicóptero non dará mellor servicio ó non reducirse a capacidade de resposta. A conselleira do Mar negou que as medidas tomadas sexan por criterios de austeridade económica, xa que se van a investir fondos en dotar ás bases de Vigo e Celeiro con mais efectivos.
A conselleira do Mar asegurou que “ningún punto da costa quedará desprotexido” e que a seguridade dos mariñeiros está garantida coas novas medias xa que unha tripulación permanentemente na base permitirá atender as emerxencias en menos tempo.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
