Santiago, 24 de novembro de 2013.- Os deputados do Grupo Parlamentario Popular Jose Manuel Balseiro e Vidal Martínez-Sierra preguntaron este xoves se os socialistas da Mariña están a favor de paralizar os principais investimentos da Xunta na nosa comarca.
A pregunta xurde despois de que o Goberno da Deputación de Lugo, conformado por PSOE e BNG, anunciase onte que ten previsto solicitar a retirada e rexeitamento dos orzamentos da Xunta para 2014 o que suporía frear os importantes investimentos que as contas autonómicas contemplan para a nosa comarca.
Os populares queren saber se o PSOE é favorable a que se paralicen obras da importancia do acceso ao porto de Burela, a ampliación do Hospital da Costa, o tramo autonómico da vía de alta capacidade da Costa –corredor-, a residencia de Foz ou o emisario de Ribadeo, entre outras actuacións, todas elas con consignación orzamentaria expresa nas contas do Goberno galego para o ano próximo.
CON BESTEIRO CHEGOU A DESCORDINACIÓN
Para os deputados populares no PSOE da comarca están moi descordinados cos seus compañeiros na Deputación ata o punto de que chegan a pedir en Lugo unha cousa contraria ao que demandan na Mariña. Atribúen esta situación tan confusa á chegada de Besteiro á secretaria xeral socialista e lembran que este tipo de cousas non acontecían cando o seu xefe de filas era Pachi Vazquez.
Os populares din que o PSOE non pode pedir en Lugo que se retiren os orzamentos e se incrementen as partidas en materia de gasto social e emprego sen explicar que partidas reducirían e insisten en que de facelo, baleirarían de orzamento das principais infraestruturas e obras previstas para o ano próximo na comarca e no conxunto da provincia.
O DOBRE DE INVESTIMENTO QUE EN 2009
Balseiro e Martínez-Sierra lembran, en todo caso, que en 2014 o gasto social será dez puntos superior ao previsto en 2009 polo bipartito, e que 8 de cada 10 euros do orzamento para o ano próximo están destinados a sanidade, educación e benestar, unha cifra histórica.
Finalmente os deputados populares amosan a súa perplexidade ante as críticas do PSOE tendo en conta que en 2014 o investimento da Xunta na provincia é o dobre do que prevía o bipartito no seu último orzamento. Así mentres que o ano próximo a Xunta popular achegará 728 euros por lucense, en 2009, co bipartito na Xunta esta cifra era da metade: 374 euros. Un esforzo inversor moito maior dos populares pese a que en 2009 o orzamento total da Xunta era 10.581M€ mentres que agora este é de 8.391M€
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
