O Burela FS Pescados Rubén enfrontarase a un partido clave este venres no Ciudad de Tudela (20.30 horas), ante un rival directo, un gran rival, o Ríos Renovables Ribera Navarra. A escadra laranxa, que volverá contar con Hugo tras cumprir a súa sanción, saltará a unha difícil pista con 8 puntos, 1 máis que os locais, no seu propósito por prolongar a boa imaxe ofrecida ante FC Barcelona (2-2) e dar un salto cara á zona alta da táboa.
“Para nós os tres puntos supoñerían un empurrón importante” asegura Juanlu a pouco máis de 24 horas para o comezo da oitava xornada de Primeira División. O cadro mariñán chega nun bo momento físico e anímico, con disposición plena de efectivos e a confianza de ser capaces de frear o mellor cadro, o campionísimo Barcelona. “Para min a clave estará no nivel demostrado por Burela FS. Ata agora fomos irregulares. Debemos concentrarnos en realizar un bo primeiro tempo; nos partidos que erramos durante os primeiros vinte minutos vímonos obrigados a remar contra corrente e debemos evitalo” explicaba o técnico laranxa, destacando a dificultade da pista inimiga, aínda que tamén con certo lastre psicolóxico. “Veremos a un rival que presiona ben en toda a cancha, creando dificultades na circulación de balón, e que está avalado por moito traballo de estratexia. A súa necesidade de gañar pode ser unha motivación, pero precisamente esa ansiedade por conseguir os tres puntos tamén pode xogar na súa contra” advertía o burelista.
O Ribera Navarra recibirá os galegos tras o respiro dun empate en Peñíscola (2-2), logo de encadear tres derrotas (Inter Movistar 2-4, Santiago Futsal 6-2 e Marfil Santa Coloma 2-3). Na necisidade da vitoria tamén incidiu José Lucas Mena, Pato: “O tren de engancharche á parte alta pasa por gañar a Burela. Sabemos que nos xogamos moito neste partido, só nos serve a vitoria”, dixo o técnico navarro, facendo un chamamento ao gol para esta cita: “Creamos ocasións pero non chega o gol. Estamos traballando e, a base de constancia, chegará”.
*Foto: Isi, durante o partido contra o FC Barcelona. A Caixa Escura Producións
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
