A Mariña, 26 de outubro de 2013.- O voceiro do Mar do Grupo Parlamentario Popular, Jose Manuel Balseiro quixo lembrar a PSOE e ao BNG que desde o Partido Popular foron os primeiros interesados en reclamar un aumento de cota da pescada do norte e fixérono xa fai tempo, a pesar da falta de apoio e dos recelos da oposición que entendían que esta petición non era necesaria e xa estaba resolta.
Os populares consideran que PSOE e BNG parecen enterarse agora de que a flota da pescada necesita apoio e descoñecen e non valoran todo o traballo realizado polas administracións e polo sector para facerse escoitar en Europa e que se autorice o incremento das posibilidades de pesca desta especie, xa no ano en curso -o que non ten precedentes en España- tras terse constatado cientificamente a abundancia deste recurso nos caladoiros de Gran Sol.
No Partido Popular insisten en lembrar que a autorización de incremento de cota non dependen nin da Xunta, nin do Goberno central “que xa fixeron os seus deberes” senón que é unha decisión da Comisión Europea fronte á que administracións e sector seguirán presionando, para que acorden definitivamente este aumento máis pronto que tarde.
LIDERANDO AS INICIATIVAS EN APOIO DA FLOTA
Os populares lembran que xa o pasado mes de xullo o ministro Arias Cañete solicitaba formalmente ante o Consello de Ministros de Pesca da Unión Europea o incremento das posibilidades de pesca, unha demanda que volveron a realizar neste mes de outubro e que se materializou na proposta forma da Comisión Europea de incremento do 27% no TAC e cota de 2013.
Os populares traen a colación tamén que o Parlamento de Galicia aprobaba, o pasado mes de setembro, unha proposición non de lei do Grupo Popular na que precisamente se facían eco desta reivindicación. Daquela os partidos da oposición dicían que non facía falta realizar esta solicitude porque xa estaba todo resolto, algo que se demostra non é así e que, son necesarios este tipo de apoios institucionais para que Bruxelas escoite ás necesidades da flota
CRÍTICAS DEMAGÓXICAS
Os populares lamentan que PSOE e BNG nun comportamento oportunista lancen críticas agora e empreguen a demagoxia contra o Partido Popular pero que, chegado o momento de defender á flota, non estean á altura. De feito lembran que os amarres de flota como consecuencia do esgotamento da cota tamén acontecía co bipartito pero daquela nin tan sequera eran capaces de formular peticións a Europa para que seguira deixando pescar. Tampouco están a altura cando votan en contra no Parlamento de iniciativas obxectivamente positivas para o sector pesqueiro como a flexibilización na prohibición dos descartes, a supresión do principio de estabilidade relativa ou cambio da normativa sobre tripulacións mínimas.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
