Clemente Iglesias insta a Estoa a que “deixe o papel de actor” e cumpra co deber de rexedor

Riotorto, 8 de novembro de 2013. O presidente local do Partido Popular de Riotorto, Clemente Iglesias, amosa o seu total rexeitamento pola actitude do rexedor Federico Gutiérrez Estoa, e ínstao a que “deixe o papel de actor” e cumpra co deber de rexedor.

Iglesias denuncia a ausencia do alcalde no concello e lémbralle que a súa obriga é atender aos veciños que son os que lle pagan.

“Non podemos permitir que un rexedor se ría dos seus veciños”- denunciou o popular, quen criticou “o teatro que está a facer Estoa por sendos lugares, deixando no olvido e desatendendo aos riotortenses”.

Neste senso, o presidente dos populares, afirmou que Estoa “representa a tódolos riotortenses, que son os que lle pagan o seu soldo, e non só aos intereses do BNG” e asegura que os actos de protesta que está a encabezar e pregonar polos diversos lugares, o último en Santiago, son unha clara obra de teatro na que delata o seu gusto pola pancarta, acción que antepón ao seu deber institucional.

Iglesias asegura que se Estoa aplicase ese interese teatreiro en conseguir a residencia de Riotorto, os veciños non se quedarían sen ela polo que tacha de “lamentable” que un alcalde co único afán de obter rédito político “se centre en facer demagoxia, desinformando á cidadanía e xerando alarma social nun tema tan sensible como é a sanidade”, mentres “mantén descoidado, desatendido o seu concello e non o dota de infraestructuras necesarias”.