Foz, 13 de Novembro, 2013. O Bloque Nacionalista Galego deu a coñecer na xornada deste martes que segundo se recolle no PXOM actualmente en fase de exposición pública unha parte moi significativa do Concello de Foz atópase fóra de ordenación co que iso implica para os propietarios das vivendas e dos inmobles que se atopan nos edificios fóra de ordenación. Segundo indicou Xoán Carlos G. Basanta “nunha vivenda ben sexa unifamiliar, ben sexa nunha vivenda que fai parte dun edificio fóra de ordenación a lexislación de aplicación establece que as únicas obras posíbeis son obras de conservación e mantemento ata o punto de que se por calquera motivo a edificación é sometida a un accidente que provoque danos irreparables o propietario do inmoble terá que proceder ao seu derrube. Pero é que ademais no propio PXOM determinase a prohibición de calquera licenza de obra de reparación ou consolidación para aquelas vivendas que se sitúen dentro do ámbito dun polígono e que deberán ser derrubadas no prazo de 15 anos. Outra das graves consecuencias que implica que un edificio quede fóra de ordenación -como todo o mundo sabe- é que o valor patrimonial da vivenda pasa a ser cero euros, ata o punto de que non se admite como aval en ningunha operación de crédito hipotecario”.
O máximo responsábel dos nacionalistas focegos sinalou que “non estamos a falar só de vivendas en solo rústico ou en zonas de protección. Sen ir máis lonxe a práctica totalidade do casco urbano de Foz, desde a entrada por Vilaxoane ata a Gasolineira en Marzán pasa a situación de fóra de ordenación. Así, no caso da Avenida de Asturias e na Rúa Concello de Lugo, redúcese o alto de edificación de B+4 a B+3 ou B+2 e tamén se reduce o fondo de 20 metros a 16 ou 12 metros. Outro tanto acontece na Avenida da Mariña onde tamén se reduce o alto de edificación de B+5 a B+4, reducindo á súa vez os fondos que pasa, en menos de 100 metros, dos 20 actuais aos 16 ou mesmo aos 7 metros. A mesma situación na Avenida Alvaro Cunqueiro onde tamén se reduce o alto de edificación de B+5 a B+4, reducindo á súa vez os fondos que pasan dos 20 actuais aos 16 ou aos 14. A mesma situación se dá na Rúa Miguel de Cervantes ou na Avenida de Viveiro onde tamén se procede a reducir unha altura e reducir o fondo de edificación. Non hai pois dúbida de que gran parte dos edificios do casco urbano de Foz quedan fóra de ordenación co grave prexuízo que se crea para as familias e ou persoas residentes nestas edificacións. Agora ben, isto contrasta coa creación no PXOM dunha ordenanza, a Ordenanza 6, que salvagarda os dereitos urbanísticos nas edificacións con licenza anterior ao PXOM e os exclúe da situación de fóra de ordenación. Esta ordenanza “especial” aplícase a terreos nos que foron outorgadas licenzas anteriores a 2007 e que ao día de hoxe non foron executadas. Está claro, que isto supón un grave prexuízo para os estándares do Plan actual e un agravio co resto”.
Os nacionalistas recalcaron que “non só o casco urbano queda na súa práctica totalidade fóra de ordenación senón que a maioría das parroquias tamén quedan afectadas debido as novas aliñacións viarias. Reparemos en Nois, nos tramos da N-642 onde todas as edificacións á man dereita dirección a Burela fican fóra de ordenación como consecuencia dunha alteración das aliñacións. Outro tanto acontece en Cangas onde ao aumentarse ata os 25 metros o ancho da estrada Cangas-Ferreira, nesa franxa quedan situadas fóra de ordenación a totalidade das vivendas que se sitúan a unha e outra beira desta área que veñen de ampliar coas novas aliñacións do PXOM. O mesmo acontece en Vilaronte é non só ao longo do viario principal, senón que chega a outros núcleos como a Cernada, A Chaira ou A Espiñeira.”
Para o BNG de Foz non hai dúbida de que estamos diante dun auténtico despropósito, posto que nin pretendéndoo sería posible deixar miles de vivendas fóra de ordenación nun Concello do tamaño do noso. Un Plan urbanístico, ao fin, dun Goberno e dun Alcalde á cabeza que en definitiva defrauda porque non aporta solucións senón máis ben problemas e inquietude para unha maioría da poboación.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
