Lourenzá, 20 de novembro de 2013. O Concello de Lourenzá promove a creación dun grupo de veciños para participar conxuntamente nun programa termal do Imserso no balneario de Pantón, viaxe que se fará no primeiro trimestre do vindeiro ano 2014. Esta iniciativa xurdiu durante a excursión á Ribeira Sacra que fixeron onte medio cento de laurentinos, a maior parte deles participantes no taller de memoria. Anunciouno hoxe a alcaldesa, Emma Álvarez Chao.
“No día de onte preto de 50 persoas maiores de 65 anos, a maior parte delas membros do taller de memoria, acompañadas pola educadora social e tamén por min, visitamos o balneario de Augas Santas, en Pantón. O motivo desta viaxe era achegarnos a un establecemento como este, que aparte de relax ofrece algo moi importante para as persoas maiores, que son beneficios medicinais. Para iso asistimos a unha charla do médico do balneario, na que explicou pormenorizadamente para que son boas as augas deste centro termal en concreto. Posteriormente xantamos todos xuntos no propio balneario e a continuación visitamos unha bodega na Ribeira Sacra, na que coñecemos o proceso de elaboración do viño e aparte puidemos ver in situ o duro que é o traballo da recolección da uva para posteriormente facer ese viño”, explicou a rexedora municipal.
Emma Álvarez engadiu que “como conclusión da viaxe sacamos que un grupo importante de persoas está interesado en facer unha excursión termal e estando aquí, ao carón, este balneario que ten propiedades para problemas respiratorios, para artrose ou incluso para a pel formulóusenos a posibilidade de facer un grupo de persoas non inferior a 30 para que participen todos xuntos ao mesmo tempo nun programa do Imserso neste mesmo balneario. Trataremos de recadar a información daquelas persoas que estean interesadas, para xestionalo co balneario no mes de xaneiro e así poder disfrutar en febreiro ou en marzo todos xuntos desta viaxe, pois sempre é máis apetecible que ir de xeito individual a un balneario onde non coñeces a ninguén. Desta maneira irían polo menos 30 persoas que xa se coñecen porque moitos deles están no taller de memoria, son todos veciños e pasaríano en grande naqueles momentos de ocio que hai ademais dos tratamentos”.
A alcaldesa rematou comentando que “os Servizos Sociais do Concello poñeranse en contacto coas persoas que asistiron á viaxe de onte e farémolo público para que se poidan apuntar o resto de veciños maiores de 65 anos e tamén poderán participar as súas parellas aínda que sexan menores desa idade. Esperemos que haxa persoas interesadas en número suficiente para poder facer esa viaxe e que resulte unha actividade frutífera para os que participen”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
