Foz, a 20 de novembro de 2013.- O BNG de Foz, dentro das alegacións ao Plan Xeral de Ordenación Municipal, vai a propoñer que se actúe sobre terreos sen edificar para dar solución a ausencia de aparcamentos, zonas de ocio e zonas verdes que ten o pobo.
Para o BNG, o Concello de Foz caracterizouse por unha política urbanística, aplicada polos diferentes gobernos tanto do PP como do PSOE, que non buscou o interese xeral e permaneceu ao marxe da función social que deben cumprir as plusvalías que xera a actividade urbanística.
Neste sentido, debemos ter en conta que as promocións que se executaron nos últimos 20 anos e principalmente ao longo dos anos do “boom” urbanístico (2005 e 2006) non viñeron acompañados da asunción das cargas necesarias para poder levar adiante un proceso urbanístico sustentable nin das cesións necesarias para dotacións e zonas verdes suficientes principalmente dentro das áreas de máis concentración da edificabilidade. Tanto é así, que hoxe en día en Foz, despois de todo o que se edificou, seguen practicamente a mesmas zonas libres e dotacionais que hai corenta anos e incluso nalgúns casos menos. O Plan Xeral en curso propón moitas zonas verdes en espazos que non cumpren as condicións necesarias para poder computar como tales, como poida ser a zona verde da praia da Rapadoira ou a de Llas.
O BNG, para paliar esta deficiencia estrutural do urbanismo en Foz que veu como consecuencia, como dixemos, de gobernos municipais que se despreocuparon destes aspectos, dentro das alegacións a realizar ao Plan Xeral fará propostas que actúen sobre terreos sen edificar e que actualmente pertencen ao Sareb (o chamado “banco malo”) onde se inxectaron miles de millóns de cartos públicos para “lavar” os tóxicos inmobiliarios da banca.
En concreto, o BNG ten a idea para o PXOM de actuar sobre os terreos situados na Rúa de Lugo en confluencia coa Rúa Vilar Ponte, xusto en fronte da Casa da Cultura, onde quedou sen executar unha licenza cunha enorme edificabilidade e con máis de 2.500 m2 de superficie e onde podería situarse unha gran zona de prazas de aparcadoiro subterráneo con zonas verdes e dotacións públicas na parte superior. Así, o Concello debería negociar coa edificabilidade dos terreos para construír vivendas de baixo aluguer ou de protección oficial cunha praza pública arredor das mesmas, como o BNG propuña hai tempo na zona da Casa do Cura, na Congostra.
Finalmente, o BNG volve a manifestar que un novo planeamento urbanístico debe partir de concepción de que o interese xeral está por riba dos intereses particulares e que ten a obriga de ordenar o territorio dando resposta aos problemas centrais dos veciños e veciñas que no caso de Foz son o acceso á vivenda, as zonas dotacionais como aparcadoiros e zonas de ocio colectivo e as infraestruturas, sobre todo sociais e comunitarias como a Residencia e o Centro de Día, das que falaremos noutra ocasión.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
