O Nadal xa está en marcha en Begonte. E son xa 42 os anos nos que o Centro Cultural José Domínguez Guizán acolle o Belén Electrónico que fora impulsado por José Rodríguez Varela e que se conserva no Museo do Belén.
Este ano, será inaugurado o sábado 7 de decembro despois dunha misa na igrexa parroquial de Begonte que se celebrará a partir das seis da tarde en memoria dos socios e amigos do Belén xa falecidos. Posteriormente, o avogado vilalbés Domingo Goás Chao, primeiro avogado español que representou a España no Tribunal de Estrasburgo de Dereitos Humanos, pronunciará o pregón antes da actuación da Coral Polifónica Vilalbesa dirixida por Uxío García Amor.
Certames
A programación cultural que acompaña ao Belén de Begonte consta dos xa tradicionais certames de arte, poesía, xornalismo e debuxo infantil que alcanzan os 38 anos, a excepción do primeiro que cumpre 24 neste ano.
Precisamente o Certame Galego de Arte “José Domínguez Guizán” premia con 1.500 euros e estatuíña de Sargadelos a obra pictórica seleccionada polo xurado especializado entre as recibidas antes das doce do mediodía do mércores 25 de decembro. Cada autor, que debe ser un pintor galego, poderá presentar un máximo de dúas obras de temática libre e cun tamaño máximo de 1,5m por 1m.
Así mesmo, o Centro Cultural “José Domínguez Guizán” tamén convoca, co patrocinio de Novacaixa Galicia, o Certame Nacional de Poesía sobre o Nadal no que poden participar todos os poetas que o desexen, con textos en galego ou en castelán. O tema dos traballos será o Nadal, dende calquera punto de vista. Concederanse dous preios dotados con 600 e 300 euros con estatuíña de Sargadelos. A remisión de orixinais farase por triplicado ao Centro Cultural de Begonte (Lugo) antes das doce horas do 6 de xaneiro.
En canto ao XXXVIII Certame Xornalístico “Begonte e o Nadal”, poderán tomar parte neste certame os que publiquen, en calquera xornal, revista ou en internet, en lingua galega ou castelá, algún traballo ou serie de traballos sobre calquera tema que faga referencia ao Nadal en Begonte e, en xeral, ao Nadal en Galicia. O prazo de entrega remata o 6 de xaneiro ás doce do mediodía. Establécense dous premios para os que se consideren os mellores traballos dotados con 600 e 300 euros máis estatuíña de Sargadelos.
Co patrocinio de Caixa Rural Galega, e co fin de potenciar o espírito do Nadal nos nenos, tamén se convoca o XXXVIII Certame de Debuxo Infantil sobre “O Nadal” ao que poden concurrir todos os nenos a través dos seus colexios en dúas categorías: A (ata os 10 anos) e B (de 11 a 15 anos). Así, en cada unha delas, haberá tres primeiros premios dotados con 60 euros e trofeo, cinco segundos dotados con 30 euros e trofeo. Os traballos deberán ser presentados en cartolina cun tamaño entre medio e un folio. A admisión de orixinais, cun máximo de 25 traballos por centro e categoría, rematará o 24 dedecembro.
Exposición e clausura
Cara finais de decembro, o luns día 30, inaugurarase na sala de exposicións da Xunta de Galicia en Lugo a exposición de pintura coas obras presentadas ao XXIV Certame Galego de Arte “José Domínguez Guizán” que será trasladada á Casa da Cultura de Begonte o martes 14 de xaneiro. E, este ano, cos traballos premiados na pasada edición dos certames de xornalismo e poesía sobre o Nada editarase o libro ‘O Nadal’.
As actividades do XLII Belén de Begonte daranse por concluídas nun acto que terá lugar o sábado 25 de xaneiro a partir das cinco da tarde no Centro Cultural coa actuación da agrupación da Asociación Músico Crisanto e as Escolas Municipais de Música de Begonte e Rábade, dirixida por Armando Morales. Ao longo desta xornada, tamén se fará entrega dos premios dos diferentes certames culturais.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
