O PSdeG-PSOE da provincia participou este domingo activamente nas manifestacións convocadas para o día de hoxe pola plataforma Nunca Máis en protesta pola sentenza do Prestige. Deste xeito, a deputada autonómica, Concepción Burgo, e o secretario de organización da executiva provincial socialista, Juan Carlos Ferreiro, sumáronse á concentración de Lugo e, os deputados autonómico e provincial, José Ramón Val e Alfredo Llano, respectivamente, á de Foz.
Pasaron once anos
O 13 de novembro cumpríronse once anos dende que uns 1.600 kilómetros das costas galegas, e do Cantábrico, foron alicatadas de chapapote. Na súa limpeza participaron preto de 30.000 mariñeiros, ademais de mariscadores dannificados e dunha movilización humana e de medios sen precedentes, formada por uns 120.000 voluntarios.
E para respostar de todo isto, outro 13 de novembro, neste caso de 2012, sentaronse no banquiño dos acusados da Audiencia de A Coruña tres xubilados de máis de setenta anos: o capitán do barco -Apóstolos Mangouras-, o seu xefe de máquinas -Nikolaos Argyropoulos-, e o exdirector da Marina Mercante do Goberno de Aznar -José Luis López-Sors-.
A sentenza deuse a coñecer esta mesma semana, pero non convence ós socialistas; feito que motiva que apoiasen decididamente ós convocantes das concentracións. Deste xeito, dende o PSdeG-PSOE considérase que dito documento transmite “por unha banda, unha mensaxe de impunidade total para as empresas armadoras en relación co estado dos buques que fletan e, por outra, incluso obriga a devolver os 22 millóns de euros que a aseguradora da armadora tiña consignados, e daba por perdidos, para pagar posibles responsabilidades”. Deste xeito, subliñan que “sae caro o conto porque todas as indemnizacións e a reparación do dano ambiental realizados no seu día van correr a cargo das arcas públicas. O sentir na rúa con esta sentenza é de desconcerto, de decepción e mesmo de estafa”.
Volven estar no Goberno
Curiosamente, lembran os socialistas, os responsables de xestionar todo aquelo, a maior marea negra de Europa, volven estar no Goberno, o señor Cañete, Ministro de Pesca naquel entón, é agora Ministro de Pesca e Medio Ambiente; o Delegado do Goberno, Fernández de Mesa, que dicía a aquelo de que lo alejen a 120 millas y después no es problema nuestro, é o Director xeral da Guardia Civil; e aquel vicepresidente que se consagrou con aquelo dos hilillos de plastilina é na actualidade o presidente.
Explicacións no Parlamento
Ante esta situación, e tendo en conta que a sentenza deixa a Galicia sen culpables da catástrofe e sen responsables dos danos económicos, o Grupo Parlamentario Socialista reclamou esta mesma semana no Parlamento explicacións á Xunta de Galicia sobre que ten pensado facer o Goberno Galego neste asunto, xa que “a sociedade o que espera dos seus gobernantes nos momentos críticos, nos momentos onde é preciso unha acción firme e decidida, é que estén á altura das circunstancias”.
Neste senso, tal e como plantexaron na Cámara, temen que a solución da administración autonómica “sexa propoñer un recurso de perfil baixo orientado unicamente a resarcir a responsabilidade civil e non a cuestionar as decisións troncais do fallo. Non pode ser que lle mandemos esa mensaxe de impunidade á sociedade galega que só serve para contribuír ao descrédito das institucións, de tal xeito que, estas políticas converterán a este país nun lugar onde enviar un tweet pode custar 600.000 euros pero pasear, marear e fundir un petroleiro coas consecuencias por todos sabidas, sae gratis”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
