Ribadeo, 2 de decembro 2013.- Neste momento tan complicado e cambiante, moitas persoas precisan un PLAN B para reorientar a súa vida. Por iso, a cooperativa ribadense MAUmarela! especializada en servizos e actividades innovadoras para nen@s e adult@s, ofertará durante o Mercado de Nadal de Ribadeo “Un PLAN B” dirixido a persoas desempregadas ou que busquen reorientar a súa vida profesional.
“Un Plan B” está pensado como un obxecto de regalo para este Nadal: para un familiar sen traballo, unha amiga á que a crise lle truncou os plans ou alguén que precise reorientar o seu futuro pero non sabe en que. Trátase dunha mochila artesanal, cosida e pintada a man. Dentro hai un orixinal caderno e unha experiencia formativa que se desenvolverá durante unha fin de semana a escoller durante os meses de febreiro, marzo e abril de 2014.
O itinerario formativo está composto por catro sesións. A primeira é un “Taller para espertar a túa creatividade a través do Arte. Activarte”, impartido pola ilustradora Lucía Vila. Na segunda sesión trabállase a Autoestima, porque en contextos de crise como o atual, un dos aspectos máis delicados é a percepción negativa e pesimista sobre as nosas propias capacidades. Está dirixida pola psicóloga Juana Blanco. A terceira sesión é un Café Filosófico, un obradoiro encamiñado a reflexionar e deseñar un plan de vida co apoio da Filosofía. Os Cafés Filosóficos son moi habituais en países como Francia e axúdannos a ampliar os nosos hourizontes e puntos de vista grazas á aportación doutras miradas, opinións e pensamentos. A sesión estará guiada por Guillermo Hernández, licenciado en Filosofía. Por último, realizarase unha xornada sobre habilidades profesionais e emprendemento, impartida pola pedagoga Carolina García e por Celtia Traviesas, xornalista con experiencia en marketing e comunicación.
Hoxe en día, atopámonos ante unha realidade líquida, xa nada é sólido nin seguro, resulta moi difícil que nos demanden para un traballo fixo. É o momento de ser flexibles e emprendedores no sentido amplo da palabra: “Unha persoa emprendedora é creativa, faise responsable de si mesma e é dona do seu destino”, sinala Celtia Traviesas. “Con este itinerario formativo, quixemos proporcionar algunhas ferramentas clave para enfrentar con serenidade e valentía o futuro. Pensamos que regalar Un plan B é unha idea moi orixinal e útil. Agardamos que sexa un éxito”.
Bolsas de experiencias
MAUmarela! terá o seu stand durante o Mercado de Nadal situado no cruce das “4 calles”, e ofrecerá bolsos, cadros, xoias e pinturas realizadas pola súa profesora de Arte, Lucía Vila. Tamén terá bolsas de experiencias, para quen desexe regalar un taller de Arteterapia (RelaxArte), Escritura Chinesa, Arte para pícar@s ou o taller dirixido a nenas e nenas a partir de 8 anos Descubre o teu talento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
