Cervo, 6 de decembro de 2013. O BNG de Cervo considera unha boa noticia que o pleno da corporación de Cervo acordara a condena da represión franquista, lamentan iso si, que o goberno municipal vaia a remolque da acción social e institucional do BNG que xa promoveu tres homenaxes na rúa e presentou iniciativas no concello que non quixeron tratar. Os nacionalistas emendaron a proposta da alcaldía reclamando unha homenaxe institucional ás persoas represaliadas e que o concello tome en conta os nomes destas persoas para o rueiro municipal. Para o BNG é de lamentar a nula sensibilidade social do goberno local co colectivo de emigrantes retornad@s que o alcalde non levou pleno a pesar de telo así acordado co colectivo. Tampouco quixo aprobar o PP a iniciativa para reclamar a derrogación e non aplicación en Galiza do repago de medicamentos de subministración hospitalaria.
No PP pesa mais o ánimo economicista que o interese por preservar un servizos sanitario público que garanta a universalidade e a equidade do sistema.
Os nacionalistas pediron o apoio do pleno da corporación para reclamar do goberno galego a non aplicación en Galiza da Resolución de 10 de setembro de 2013, da Dirección Xeral de Carteira Básica de Servizos do Sistema Nacional de Saúde e Farmacia, pola que se procede a modificar as condicións de financiamento de medicamentos incluídos na prestación farmacéutica do Sistema Nacional de Saúde. O goberno municipal unha vez mais envolveuse na bandeira do partido no canto de facelo na da xente afectada por enfermidades graves e crónicas que deberán pagar un novo imposto á enfermidade. Para o portavoz Municipal Xoán Antón Estúa, “os representantes do PP non queren ver mais alá da bandeira partidista, e pouco ou nada lles importan as persoas ao dar por boa unha medida inxusta, que racha coa equidade do sistema, non vai supor ningún aforro para a administración, esquece que a sanidade xa a paga a cidadanía pola vía dos impostos e non con repagos. Estúa acusou ao PP “de non ter alma nin sensibilidade social e actuar como unha caixa rexistradora con ánimo recadatorio que en mellorar a calidade de vida da xente”.
O BNG forzou pola vía de urxencia a moción do colectivo de emigrantes retornados ao ver que o alcalde “esquecera” levala a pleno
O portavoz nacionalista criticou que o alcalde non levara a este pleno a moción do colectivo de emigrantes retornados, a pesar de serlle entregada en man polo propio colectivo fai semanas. Na iniciativa reclámase un trato xusto por parte da Axencia Tributaria e o cese da persecución deste organismo estatal cara este colectivo, a anulación de sancións e intereses, evitar a situación inxusta fixada por Facenda para a obriga de cotizar en función de si hai un ou mais pagadores, asesoramento aos afectados e a revisión de convenios con terceiros países.
O GMBNG, á vista da non inclusión na orde do día da moción, presentouna pola vía de urxencia e foi aprobada por unanimidade. Estúa “botou en cara ao Partido Popular que a pesar de existir un acordo unánime do Parlamento Galego que recolle parte das demandas dos colectivos de afectados, na práctica non se está aplicando”. O nacionalista explicou que “Facenda segue sancionando e reclamando intereses a emigrantes que xa pagaron a débeda principal, non lles ofrecen facilidades para o abono das cantidades pendentes que non sexa baixo o pago de novos intereses, así como tampouco se ten en conta a ausencia de mala fe ou mala información da propia Facenda á hora de tratar a este colectivo que so fixo traballar e non se nega a tributar, xusto o contrario do que fixeron os grandes defraudadores premiados polo ministro Montoro con amnistías fiscais”
O PP non é quen de desprenderse das vinculacións ideolóxicas co franquismo e quédase na retórica á hora de condenar o réxime anterior.
Para o BNG é moi satisfactorio que a corporación tomara acordo unánime para condenar a represión franquista, unha resolución que os nacionalistas levaban moito tempo buscando despois de ter promovido tres homenaxes ás persoas do concello que sufriron a represión do réxime franquista e presentado iniciativas no concello que o goberno municipal, nunca ocasión negouse a tratar e noutra quixo emendar invalidándoa.
En calquera caso para o BNG é insuficiente polo que presentaron unha emenda para completar a proposta da alcaldía que non foi aceptada polo grupo maioritario. Na proposta pedíase engadir ao acordo inicial o rexistro das persoas oriúndas ou residentes en Cervo que estando xa documentadas en diferentes publicacións, sufriron a represión do franquismo co fin de, por unha banda promover dende a institución municipal unha homenaxe colectiva e por outro, telas en conta para o rueiro municipal.
O portavoz municipal nacionalista manifestou que “de pouco serven declaracións institucionais se non se pon en práctica unha verdadeira recuperación da memoria destas persoas que nalgúns casos deron a vida por defender ideais democráticos e republicanos ante un golpe de estado fascista e antidemocrático”. Estúa, lembrou os nomes das 65 persoas que figuran documentadas como vítimas da represión franquista en Cervo, aínda que a lista puidera non estar pechada a posteriores incorporacións.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
