A secretaria de emprego do PSdeG-PSOE, Gloria María Prada, lamentou este venres, unha vez publicados oficialmente os datos do paro, que Lugo, cun 2,49%, sexa a provincia galega que máis afiliados perdeu á Seguridade Social durante o pasado ano. Para a socialista “este é o resultado das políticas dos Gobernos do PP. Os datos amosan que, dende que o Partido Popular goberna en Madrid en en Galicia temos máis paro ca nunca. O que lle preocupa ó Partido Popular non é o emprego senón atacar a outras administracións que, malia non ter as competencias, si que están a realizar un esforzo inversor importante para crear postos de traballo na provincia”.
Neste contexto de desigualdade, paro e pobreza, no que a Xunta é a única administración que ten competencias en materia laboral, as políticas de emprego autonómicas caracterízanse por unha diminución do diñeiro presupostado en fomento do emprego, e no uso partidista dos plans para premiar ós Concellos gobernados polos populares. “Cada ano asistimos ó castigo que somete Feijóo ós galegos reducindo as partidas presupostarias para inserción laboral. Nos orzamentos de 2014, Feijóo volveu demostrar que goberna de costas á cidadanía, recortando case 10 millóns de euros as políticas activas de emprego”, subliña.
Ademais, engade Prada, cos obradoiros de emprego, a Xunta puxo de manifesto a exclusión que sofren algúns cidadáns polo feito de residir en municipios gobernados por Alcaldes que non sexan do Partido Popular. Por outra banda, engade, o Goberno galego premia os proxectos intermunicipais, fomentando prácticas partidistas no deseño destas iniciativas. Así, os Concellos gobernados polo PP únense, illando ós municipios socialistas e xerando verdadeiras zonas de sombra onde se imposibilita ós lucenses recibir as políticas laborais da Xunta.
Plan de emprego para a provincia
Logo de que o Presidente da Xunta “se declarase incompetente en emprego”, e tendo en conta que Lugo, rematou o pasado exercicio con 27.615 desempregados, sendo o sector servizos, con 17.041 parados, o máis perxudicado, o Partido Socialista esixirá nos 67 Concellos que a Xunta de Galicia desenvolva un plan de emprego específico na provincia para compensar a discriminación que a administración autonómica perpetrou nos municipios que non están gobernados polo Partido Popular na concesión dos obradoiros de emprego. Deste xeito, nos respectivos Plenos, os Alcaldes e voceiros socialistas instarán a través dunha moción conxunta a crear esta iniciativa para eliminar o uso partidista dos criterios aplicados polo Goberno galego para outorgar estas axudas. Así mesmo, os socialistas tamén pedirán que se elabore un plan específico de emprego xuvenil, que permita frear a sangría demográfica que sofren os Concellos ante a ausencia de oportunidades para crear novos postos de traballo, e demandarán nova medidas destinadas ás persoas maiores de 55 anos por ser este un colectivo de difícil inserción laboral.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
