Mondoñedo, 04 de xaneiro de 2014.- O Partido Popular de Mondoñedo tivo acceso a un informe técnico que corrobora a existencia de deficiencias na EDAR do sistema de saneamento da parroquia de Sasdónigas. Un documento que vén a desmentir as afirmacións do alcalde, Orlando González, quen no transcurso dunha sesión plenaria desmentiu a existencia destes defectos.
O PP, cursando a petición dos veciños, levou no mes de setembro a pleno unha iniciativa na que instaba ao Concello de Mondoñedo a arranxar de maneira urxente as imperfeccións que sufría a estación depuradora e a posta en funcionamento inmediata do servizo. O equipo de goberno rexeitou a proposta ao asegurar que estes problemas non existían e que eran os veciños os que non se enganchaban ao servizo, simplemente, por que non querían.
Agora un informe técnico avala estas imperfeccións na súa execución que provocaron que o saneamento en Sasdónigas nunca chegase a funcionar, o que converte a esta obra, realizada con cargo ao Plan E 2009-2010, nun novo exemplo de falta de xestión de fondos públicos por parte do equipo de goberno de Mondoñedo, que inviste en infraestruturas que dado a deficiencias de base non chegan a dar o uso para os que foron construídas.
O informe técnico
O informe técnico, con data de rexistro de setembro de 2013, informa ao Concello de Mondoñedo de deficiencias achadas na EDAR, que afectan tanto a estrutura da estación depuradora como ao entorno.
Dunha maneira máis concreta, no informe reflíctese a non existencia de selectividade entre as proteccións eléctricas do cadro xeral situado anexo ao contador de enerxía eléctrica e o cadro de protección da EDAR, existindo unha distancia entre eles de aproximadamente 1,5 km.
No informe tamén se refiren ao material de construción que pode sufrir corrosión prematura, destruíndo rapidamente a estrutura da depuradora; ademais de citar a carencia da rexa automática, -necesaria nunha planta deste tipo co obxecto de evitar atascos na rede de saneamento-, e dun medidor-rexistrador de caudal.
A maiores, o acceso a EDAR é moi deficitario, impedindo a circulación de vehículos, o que dificulta un correcto mantemento da planta, co que non se pode verificar o funcionamento da calidade da auga depurada.
Desatención do goberno local
Os populares comprobaron in situ que a estación nunca chegou a función ao ver que non consumiu ningún ‘kilovatio’ de enerxía eléctrica, o que levou aos populares a presentar varias preguntas plenarias en relación coa posta en funcionamento deste servizo e instando a que se corrixan as deficiencias sen acadar éxito ata a data, que existe un informe que avala esta circunstancia.
Os populares lembran que ao largo deste ano moitos veciños denunciaron o desatino da execución da obra, trasladando en varias ocasións instancias persoalmente ao Concello, solicitando a alta do servizo, que a día de hoxe non foron atendidas.
Ante esta situación, os populares úrxenlle ao equipo de goberno que corrixa as deficiencias reflectidas no informe e permita dar funcionamento a esta dotación, que tivo un orzamento de licitación cifrado en 332.622,91 euros.
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
A actividade conta coa colaboración do Concello.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
