XOVE .- O xogador do Club de Bolos Xove, Cristian Rodríguez Baño, proclamouse campión galego de bolos en categoría cadete, durante a competición que se celebrou no Campo de Camos, no Concello de Nigrán, en Pontevedra. Cristian Rodríguez Baño, é un xogador que leva xa anos participando regularmente na Liga de Bolos Sub 18 do Concello de Xove. Oscar Meitín, tamén de Xove quedou na terceira posición.
NOTA DE PRENSA
CRISTIAN RODRÍGUEZ, DO CLUB DE BOLOS XOVE, NOVO CAMPIÓN GALEGO CATEGORÍA CADETE
O pasado domingo 21 de xuño, no Campo de Camos no Concello de Nigrán en Pontevedra, o xogador do Club de Bolos Xove Cristian Rodríguez Baño conseguiu proclamarse CAMPIÓN GALEGO DE BOLOS EN CATEGORÍA CADETE, nunha dura pugna cos mellores xogadores de Galicia da súa categoría. Trátase dun xove xogador que leva xa uns cantos anos participando regularmente na Liga de Bolos Sub 18 do Concello de Xove, polo que non é ningunha sorpresa este título, dado que, a pesarres da súa xuventude, trátase dun gran xogador cunha excelente proxección de futuro. Cristian Rodríguez é fillo de Carlos Javier Rodríguez, un dos grandes animadores do campionato municipal nos últimos 20 anos.
Do nivel acadado polos nosos xogadores témolo en que Cristian Rodríguez non estivo só no podium galego de bolos cadetes, senón que foi acompañado por Oscar Meitín que ocupou unha máis que meritoria terceira posición.
A cuarta posición do Campionato Galego Cadete ocupouna un xogador do Club Cruceiro de Meilán, que citamos aquí porque, inda que non é de Xove, si participa na nosa Liga Municipal.
Polo tanto, non nos queda máis que felicitar a estes xogadores, e alegrarnos porque sabemos que nos van dar moitas alegrías no futuro.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
