Lugo, 21 de xaneiro de 2013.- A portavoz do Grupo Provincial do Partido Popular, Elena Candia insistiu en reclamar a Besteiro “que de á cara e explique en primeira persoa, e sen máis demora, o pago con diñeiro público das comidas a UXT”. A deputada provincial popular fixo estas declaracións tras coñecerse que o tamén secretario xeral dos socialistas galegos quere retrasar a súa obriga de dar conta deste “grave asunto” ata o vindeiro pleno da Deputación previsto para o día 28.
DEBE UNHA EXPLICACIÓN AOS LUCENSES
“Besteiro debe explicarse non porque o reclame o PP senón porque ten que facelo ante os cidadáns de Lugo, xa que son os seus cartos, cos que se pagaron estas comidas”-dixo Candia.
A portavoz popular lembra que a Deputación autorizou, por Decreto o abono de dúas facturas por importe de máis de 7.000 euros para facer fronte ao gasto en comidas de 288 sindicalistas de UXT, en coincidencia coa celebración de dous congresos deste sindicato socialista.
¿TRATO DE FAVOR A UXT?
Candia tamén lamentou que “nun claro exemplo de falta de sensibilidade e de abstracción dos tempos que corren” desde o bipartito provincial “defendan como normal” o pago destas facturas e pregúntase se o presidente da Deputación lucense dispensa un trato a favor da UXT ou teñen previsto aplicar este mesmo criterio ao outros sindicatos ou entidades que así o soliciten.
CORTIXO PARTICULAR
Os populares na Deputación de Lugo piden que Besteiro non siga a poñerse de perfil ante a necesaria rendición de contas que debe facer ante os lucenses e di que tanto o PSOE como o seu socio de goberno, o BNG, teñen dado mostras máis que evidentes de que confunden a Deputación co seu cortixo particular e esquecen, que están xestionando o diñeiro público de todos os lucenses.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
