SOGAMA está a intensificar a súa campaña mediática para impedir que os concellos poñan en marcha alternativas á incineración. Co apoio da prensa do rexime, os amigos das dioxinas pretenden intoxicar a opinión pública con datos manipulados e demagoxia
Para SOGAMA, incineración e reciclaxe son o mesmo!
Na súa teima por presentar os seus vicios como virtudes, SOGAMA non dubida en subministrar información manipulada aos medios. Nun recente artigo nun xornal de tiraxe galega (que recibe da Xunta e SOGAMA cuantiosos ingresos vía publicidade/convenios), recollíase que a “valorización total” de SOGAMA superaba en porcentaxe á acadada polos ámetos de Nostián e Lousame. SOGAMA mistura allos con bugallos e inclúe como “valorización total” a incineración, equiparándoa á valorización material (reciclaxe) que supón a recuperación de materiais e a compostaxe.
Á marxe de que valorización enerxética (incineración) non é valorización material (reutilización e reciclaxe) xa que está 1 ou 2 chanzos por debaixo na xerarquía de tratamento de residuos (prevención, preparación para a reutilización, reciclado, valorización enexética e eliminación, art. 4 da Directiva 2008/98/CE sobre Residuos), resulta que o que fai SOGAMA tampouco pode considerarse valorización enerxética. Non cumpre cos criterios de eficiencia da Lei 22/2011 de Residuos, anexo II: A eficiencia enerxética de SOGAMA está no rango de 0,25 a 0,41, por baixo do 0,6 que marca lei para que o proceso sexa considerado valorización. Portanto, a incineración de SOGAMA é a todos os efeitos equiparábel á eliminación/vertido.
No conxunto e por fraccións, SOGAMA perde por goleada fronte a Barbanza e Nostián
Ao cabo, SOGAMA leva directamente a vertedoiro (eliminación) o 48% de residuos, outro 44% o incinera (que como vimos é tamén unha eliminación) e só un 8% o recupera/recicla. No modelo Barbanza esta reciclaxe atinxe un 46% e en Nostián un 33% dos residuos totais.
Fonte dos datos e gráfico: Xunta de galiza, documento de modificación do PXRUG 2010-2020
SOGAMA confunde intencionadamente materia orgánica entrante con compost
Outro elemento da estratexia da confusión, pensado para desprestixiar directamente os sistemas baseados na compostaxe da materia orgánica, é o pouco de compost que segundo SOGAMA se obtén dos residuos. Confundir materia orgánica en bruto (entrante) con compost (produto final) ignorando deliberadamente que por cada tonelada de compost producido recíclanse 4 de residuos orgánicos, deixa clara a ignorancia e perversión dos que repetindo mil veces unha mentira pensan que virará en verdade.
Ademais a necesidade e utilidade do compost vén sendo demostrada pola comunidade cientídica dende hai anos xa que os solos galegos están a perder enormes cantidades de materia orgánica e portanto fertilidade debido á erosión e aos lumes.
Cal é a realidade dos residuos que van a vertedoiro?
Outro dos bulos de SOGAMA, amplificado convintemente polos medios do réxime, é a porcentaxe de residuos que van a vertedoiro nos distintos ámetos. Se en Barbanza e Nostián é actualmente do 54 e 66% respeitivamente, en SOGAMA vai a vertedioro o 48% dos residuos. Que acontece pois? Que SOGAMA verte menos? Isto tampouco é certo. Nin verte menos, nin verte o mesmo.
SOGAMA manda directamente a vertedoiro o 48% dos residuos que lle chegan, e cobra por tratalos!!. No Barbanza e Nostián a totalidade dos residuos que chegan son procesados, separados, clasificados e estabilizados, e só as fraccións non reciclábeis ou que non atinxen a calidade suficiente van a vertedoiro. Cun maior esforzo na separación en orixe (con sistemas como o Porta-A-Porta, por exemplo) e milloras técnicas poderiase reducir moito a cantidade finalmente vertida. É a filosofía do “Residuo Cero”.
SOGAMA ao incinerar a outra metade dos residuos que lle chegan converte o lixo en residuos tóxicos e perigosos, xerando anualmente 70.000 toneladas de escouras e 35.000 toneladas de cinsas altamente tóxicas cada ano que se levan a vertedoiro en Cerceda. Desta forma, SOGAMA incumpre o obxectivo ou prioridade nº 1 da lexislación: a prevención da toxicidade e perigosidade dos residuos.
Os concellos poden e deben apostar por modelos máis baratos e ecolóxicos
Por moito que a propaganda intoxicadora da Xunta apresente a SOGAMA como a opción máis “barata”, a realidade é que nunca o foi… e coa inminente suba do 34% moito menos. Malia a ter un prezo político e a cobrar por tratar o que logo verten, SOGAMA só recicla o 2% dos residuos que lle chegan. Os outros ámetos (Barbanza e Nostián) cun custo actual similar acadan taxas de reciclaxe mesmo superiores ao fixado na Directiva de Residuos e cando máis reciclen máis barato será o proceso.
Dende ADEGA poñemos ao dispor dos concellos toda a información que SOGAMA tentou agochar durante décadas para que comproben a viabilidade económica (e ecolóxica) dos modelos baseados na redución, a recuperación, a reciclaxe e a compostaxe da materia orgánica a nível municipal. Tamén convidámoslles a coñecer a realidade do modelo da compostaxe, visitando a planta de Lousame na que as mentiras de SOGAMA quedarán ao descoberto.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
