A Asesoría Xurídica da Xunta exerceu, por instancia da Secretaría Xeral de Igualdade, a acción popular por primeira vez no caso da morte de tres mulleres por violencia de xénero en Galicia. En concreto, compareceu nas dilixencias previas abertas no xulgado de Verín polo falecemento de Fátima Machado (cuxa parella está imputada) e no xulgado de Marín pola morte de Isabel Pérez Fraga.
Así mesmo, acaban de iniciarse os trámites no Xulgado de Primeira Instancia e Instrución número 2 de Viveiro para exercer a acción popular pola morte de María José Suárez (o seu marido está imputado polo seu presunto asasinato ocorrido hai unhas semanas en Cervo).
O vicepresidente Alfonso Rueda elevou hoxe un informe ao Consello da Xunta para dar conta deste procedemento. Trátase da primeira vez que o Executivo galego exerce a acción popular, despois de que o pasado mes de xullo acordase comparecer en todos os procesos penais en caso de morte por causa de violencia de xénero. Con esta iniciativa, a Xunta deu un paso máis na procura da igualdade efectiva entre homes e mulleres, concretamente na loita contra a violencia de xénero, e afianzou o compromiso institucional coa erradicación desta lacra.
Unha prioridade do Goberno galego
A Xunta aprobou a principios deste ano o VI Plan galego de igualdade entre homes e mulleres, cun orzamento de máis de 220 millóns de euros, e que prevé máis de 300 actuacións nas cales a prioridade é a loita contra a violencia de xénero. Ademais, tal e como xa se ten manifestado en varias ocasións, está a piques de entrar en funcionamento o Centro de Recuperación Integral para Mulleres Vítimas de Violencia de Xénero (CRI) e o Observatorio Galego para a Violencia de Xénero.
O CRI será un centro de referencia e innovador, que ofrecerá un modelo de atención integral ás vítimas de violencia de xénero desde o inicio do proceso ata a súa completa recuperación. Así, aplicará terapias e labores de asesoramento ás vítimas, actuará como centro formador de profesionais e voluntarios na loita contra a violencia de xénero e será o punto de coordinación das ordes de protección de Galicia.
Pola súa banda, o Observatorio Galego para a Violencia de Xénero será un órgano de recollida, análise e difusión de información relativa a este tipo de violencia e será clave para o deseño de estratexias de loita contra ela. Nas accións concretas que deseñará para a prevención e erradicación desta lacra social prestará especial atención ao ámbito educativo.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
