Lugo, 30 de xaneiro de 2014.- O presidente provincial do Partido Popular de Lugo, Jose Manuel Barreiro, acompañado do presidente dos populares de Viveiro, César Aja e do secretario xeral provincial, Jose Manuel Balseiro, deron conta este xoves da convocatoria do Congreso local do Partido Popular na cidade do Landro.
CONGRESO DA SUCESIÓN
Os afiliados do Partido Popular de Viveiro están chamados a escoller en asemblea á persoa que sucederá a Cesar Aja, quen hoxe adiantou que non optará a reelección, dando paso á renovación da dirección do partido, tras trinta anos de traxectoria como presidente local.
De feito, viña exercendo, co respaldo dos sucesivos congresos locais, a xefatura dos populares viveirenses desde o 18 de febreiro de 1984, período durante o cal ostentou importantes responsabilidades tanto a nivel orgánico como institucional, xa que foi alcalde da cidade durante dúas décadas (1983-2003), deputado nacional (1986-1993) e provincial e senador durante catro lexislaturas (na V, VI, VII e VIII).
PROCESO
Logo da convocatoria desta cita congresual –amparada polo acordo de renovación das agrupacións locais aprobado na Xunta Directiva Provincial que tivo lugar no mes de marzo do ano que vén de rematar- ábrese de xeito oficial o prazo de presentación de candidaturas.
Aquelas persoas interesadas en presentar a súa candidatura á presidencia local do Partido Popular de Viveiro poderán facelo ata ás 20 horas do mércores 5 de febreiro e deberá estar avalado por 25 afiliados plenos.
Un día despois, o 6 de febreiro remata o prazo para a presentación das candidaturas, isto é, das persoas que acompañaran ao novo candidato/a na dirección local. Neste caso a candidatura completa precisa –segundo as previsións estatutarias- dun total de 50 avais de afiliados.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
