Lugo, 31 de xaneiro de 2014.- O secretario xeral do Partido Popular de Lugo e deputado autonómico, Jose Manuel Balseiro salientou que os maiores de 45 anos e os mozos constitúen dous colectivos prioritarios para o acceso aos programas de fomento de emprego da Xunta.
Tras lembrar isto, insistiu en que o PSOE “chega tarde” coas mocións que os socialistas están rexistrando nalgúns concellos da provincia, e nas que solicitan un plan específico en apoio a estes dous colectivos que xa contan cun trato preferente por parte da administración autonómica.
“O PSOE unha vez máis está sen rumbo e, moi en particular na provincia de Lugo andan despistados. Reclamando o que xa existe, como é un apoio reforzado da Xunta a maiores de 45 anos e mozos”- replicou Balseiro.
O secretario xeral dos populares lucenses lembrou que só en 2013 o Goberno que preside Alberto Núñez Feijóo destina máis de 50 millóns de euros nun amplo paquete de medidas que inclúen diversas actuacións en materia de formación, orientación, programas integrais e obradoiros de emprego.
Con todo, atribuíu estas manobras do PSOE, a un intento de “lavar a súa imaxe. Moi deteriorada logo de que os lucenses comprobásemos como empregan a Deputación de Lugo dun xeito partidista e sectario, para beneficiar a só uns poucos, e deixando fóra á unha inmensa maioría dos parados do plan de emprego posto en marcha por Besteiro”
A XUNTA APOSTA POLA CREACIÓN DO EMPREGO
Conscientes de que o principal reto das administracións públicas é a loita contra o desemprego, Balseiro aclarou que o actual Goberno galego mantivo a totalidade dos programas para persoas desempregadas prestando, insistiu unha vez máis, atención preferente aos colectivos con especiais dificultades de integración no mercado laboral, como é o caso dos mozos e maiores de 45 anos.
Como exemplo, e en apoio da súa afirmación, Balseiro exeplicou que as ordes nos que os mozos e os maiores de 45 anos son un colectivo prioritario son as seguintes:
• Orde para a contratación de persoas desempregadas (Plans de Cooperación), que chegan a todos os concellos sen excepción.
• Orde para a contratación de Axentes de Emprego e Desenvolvemento Local.
• Orde para a realización de Accións destinadas á Información, Orientación e Busca de Emprego.
• Orde para a realización de Programas Experimentais de emprego.
• Orde para a realización de Programas Mixtos e de Formación (Obradoiros de Emprego).
Tamén indicou, a modo de reflexión final e fronte as críticas efectuadas polo PSOE que os criterios de valoración empregados pola Xunta para o outorgamento destas axudas son os que se recollen nas convocatorias desde o ano 1998 e, polo tanto, que non variaron respecto dos que empregaba o malogrado Goberno bipartito durante a lexislatura 2005-2009.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
