Santiago, 3 de febreiro de 2014.- A Dirección Xeral de Emerxencias e Interior da Vicepresidencia e Consellería de Presidencia alerta dun temporal de nivel vermello por vento en terra que afectará a partir do mediodía deste martes 4 de febreiro, á zona da Mariña de Lugo; onde poderán rexistrase refachos de ata 140 km/h.
Pola súa banda, a provincia da Coruña, o centro da de Lugo e a zona das Rías Baixas, en Pontevedra, permanecerá en alerta laranxa por vento do suroeste e oeste. Os refachos poderán superar os 90 km/h. no centro de Lugo; os 100 km/h. no suroeste e interior da Coruña e nas Rías Baixas; e os 110 km/h no noroeste e oeste da provincia da Coruña. No extremo norte desta última provincia poderán superarse os 130 km/h.
Supresión das clases na Mariña
Ante estes fenómenos meteorolóxicos adversos, a Comisión Escolar de Alertas determinou a suspensión de toda actividade docente, transporte escolar, actividades no exterior e extraescolares para mañá, día 4 de febreiro, nos centros educativos situados nos concellos das zonas de predición meteorolóxica da Mariña lucense.
Así mesmo, acordouse a suspensión das actividades no exterior dos centros educativos situados nos concellos das provincias da Coruña e Pontevedra, así como nas zonas de montaña de Lugo e Ourense e zona centro de Lugo, por mor do nivel de alerta laranxa. E se advirte do necesario seguemento ao longo do día das condicións climáticas por se nas localidades onde se sitúe cada centro cambiase o nivel de alerta cara a vermello, no caso do que se lles autorizaría a suspender a actividade docente.
Escolas Infantís e centros de días
Pola súa banda, nas escolas infantís da rede autonómica suspéndese a actividade, nos centros emprazados nas localidades de Ribadeo, Foz, Viveiro, Burela, Mondoñedo, O Valadouro e Alfoz. Tampouco haberá actividade nos centros de día para persoas con dependencia dos concellos mariñáns de Lourenzá, Ribadeo e Burela. Todos os centros residenciais para persoas maiores da Consellería de Traballo e Benestar continuarán coa súa actividade cotiá, agás no exterior.
No resto de centros da Consellería de Traballo e Benestar, emprazados fóra das localidades sinaladas, manterase a actividade, salvo no exterior, onde se suspende calquera tipo de actuación. Estarase alerta de cara ao que se dispoña desde o Centro de Atención ás Emerxencias 112 Galicia.
Alerta laranxa en todo o litoral
Así mesmo, manterase activa a alerta laranxa en todo o litoral galego por vento en mar e mar combinada. Segundo os datos da Axencia Estatal de Meteoroloxía (AEMET), a partir das 9,00 horas de mañá pódese acadar Forza 9 por vento do suroeste e ondas de ata 8 metros no litoral noroeste da provincia da Coruña. O temporal costeiro estenderase ao resto do litoral galego nas seguintes horas.
Por este motivo, e co fin de garantir a seguridade dos bens e as persoas, a Dirección Xeral de Emerxencias e Interior, a través do Centro de Atención ás Emerxencias 112 Galicia, informou das distintas alertas aos concellos afectados; ás Deputacións, servizos provinciais e agrupacións de voluntarios de Protección Civil e aos clubs náuticos, entre outros. Deste xeito, agárdase que se adopten as medidas oportunas para garantir a seguridade dos bens e das persoas.
Recomendacións á poboación
Tamén recórdaselle á poboación a importancia de seguir as medidas de protección como permanecer alonxado de praias, rompentes, paseos marítimos, espigóns ou todas aquelas zonas susceptibles de seren afectadas por un golpe de mar. E igualmente, revisar os amarres das embarcacións antes da chegada do temporal, evitar realizar prácticas deportivas e náuticas.
Para as zonas en alerta por vento en terra, Emerxencias recomenda retirar todos os obxectos que poidan caer á rúa desde tellados, balcóns e fiestras, así como pechar e asegurar ben as portas, fiestras e persianas; camiñar preto das fachadas dos edificios; circular con precaución polas estradas e aparcar os vehículos en lugares protexidos do vento e ben inmobilizados; entre outras recomendacións.
Ademais, aconséllase consultar a páxina web do CAE 112 (www.112galicia.org), que conta con información meteorolóxica e con enlaces de interese.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
