A Mariña, 4 de febreiro de 2014. A Xunta de Goberno Local de Muras aprobou o 31 de maio de 2013 a defensa procesual con cargo a fondos municipais do alcalde e dous concelleiros que xa non forman parte da corporación dende 2007. Os nacionalistas advirten que aínda contando con informe positivo da Secretaría Municipal, de terse abonado ou se abona, algunha cantidade á defensa xudicial antes do remate do xuízo estariamos diante dun caso prevaricación similar ao acontecido en Santiago de Compostela con edís do Partido Popular fai escasos meses. O BNG insiste na dimisión do alcalde acusado xunto cos outros dous edís que xa non forman parte da corporación de delitos medio ambientais para os que a fiscalía reclama seis anos de prisión e catro de inhabilitación.
O BNG ADVIRTE DUN POSÍBEL CASO DE PREVARICACIÓN PARALELO Á IMPUTACIÓN DO ALCALDE DE MURAS POR DELITOS MEDIO AMBIENTAIS
A fronte nacionalista anunciou que estará moi atento para saber se o concello de Muras abonou algunha factura da defensa xudicial do alcalde, Issam Algnam e outros dous concelleiros que formaban parte da Xunta de Goberno en 2005 para os que a fiscalía reclama seis anos de prisión e catro de inhabilitación por delitos medio ambientais pola execución dun camiño en Rede Natura sen contar cos permisos necesarios de administracións competentes.
Sinalan que a actual Xunta de Goberno en sesión celebrada o 31 de maio de 2013 aprobou que o concello asuma con cargo a fondos municipais a defensa procesual dos acusados que xa non forman parte da corporación. A pesar de que a asistencia letrada con cargo a fondos municipais foi informada favorabelmente pola Secretaría Municipal, dende o BNG advirten de que en ningún caso deberán facerse abonos dos gastos antes da sentenza xa que nese caso poderíase estar incurrindo nun posíbel caso de prevaricación. Así mesmo, non caso de sentenza de culpabilidade, os imputados deberán facerse cargo de todos os gastos da defensa e non as arcas públicas.
OS CONCELLEIROS QUE NA ACTUALIDADE APOIAN E FORMAN PARTE DO GRUPO DE GOBERNO DE ISSAM ALGNAM DEBERIAN TER COIDADO DO QUE ASINAN E APOIAN PARA NON VERSE COMPROMETIDOS
O BNG lanzou unha mensaxe aos concelleiros que na actualidade forman parte da Xunta de Goberno presidida por Issam Algnam, aos que convidou a coidarse á hora de votar ou asinar determinados documentos que os poden acabar comprometendo. Aseguran, dende o BNG, que o descoñecemento da lexislación non é eximente do seu cumprimento, cousa que puidera estar sucedendo o xuízo que agora está pendente da sentenza pola que a fiscalía lles reclama aos seus antecesores nos cargos seis anos de prisión e varios de inhabilitación.
INSITEN EN DEMANDAR A DIMISIÓN DO ALCALDE PORQUE AS PERSOAS IMPUTADAS NON DEBERAN FORMAR PARTE DA VIDA POLÍTICA
Os nacionalistas insisten en demandar a dimisión do alcalde ao considerar que “unha persoa visitante asidua dos xulgados e cunha acusación da gravidade que hoxe soporta o alcalde de Muras non debera estar un minuto mais na alcaldía”. Para os nacionalista mariñaos o Partido Popular lucense debe cesalo do seu cargo na dirección provincial do partido xa que do contrario é cómplice do descrédito e da desconfianza da sociedade na clase política.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
