A Mariña, 4 de febreiro de 2014. O BNG apoiou este luns a concentración convocada aproveitando a inauguración dos tramos pendentes de execución entre Mondoñedo e Abadín da A8, para reclamar a execución das obras comprometidas na estrada de competencia autonómica LU124, que ademais de vertebrar os concellos da Pontenova, Riotorto, A Pastoriza e Mondoñedo, serve de acceso á referida autovía. Os nacionalistas “non cren as novas promesas do Conselleiro de Infraestruturas, Agustín Hernández, xa que tivo tempo sobrado de cumprilas e lembran que o conselleiro é famoso na Mariña por presentar cronogramas para execución de obras que despois nunca se cumpren como sucede co corredor San Cibrao-Ferrol, onde xa medran os eucaliptos.”
UN CONSELLEIRO POUCO DE FIAR AFECCIONADO A PRESENTAR CRONOGRAMAS DE OBRAS QUE DESPOIS NON CUMPRE
O Conselleiro de Infraestruturas “non é de fiar e así o demostran os seus compromisos incumpridos coa estrada LU124 na que leva prometendo obras dende o ano 2009, ou coa Vía de Altas Prestacións entre San Cibrao e Ferrol onde xa agroman os eucaliptos despois de que prometera rematala en 2017”. “Agustín Hernández xa é coñecido na Mariña por presentar cronogamas de actuacións en infraestruturas viarias cada vez que se producen mobilizacións reclamando a execución de obras comprometidas polo propio conselleiro.”
ESTE XOVES O PARTIDO POPULAR TERÁ OCASIÓN DE RETRATARSE SOBRE O SEU COMPROMISO CON ESTAS OBRAS
O Partido Popular terá a ocasión de retratarse o próximo xoves na comisión segunda do parlamento galego onde se debaterá unha iniciativa do BNG que reclama a inmediata execución das obras proxectadas para a LU124. O e a parlamentaria nacionalista, Cosme Pombo e Ana Pontón demandan “a habilitación das partidas orzamentarias necesarias e a execución de obras nun prazo máximo de seis meses.”. Dende o BNG lembran que presentaron emendas aos orzamentos para dotar economicamente a execución das obras na LU124 dende o ano 2010 ate o actual que sempre contaron coa negativa dos parlamentarios do Partido Popular.
O BNG sen deixar de valorar a importancia da apertura dos tramos pendentes da A8, “despois de anos de retraso con gobernos no Estado do PP e PSOE”, salientou que o occidente da comarca mariñá segue sen vertebrar con vías de comunicación do século XXI, “leva mais tempo recorrer os 77 Kms. de O Vicedo a Ribadeo que ir de Ribadeo a Baamonde, 25 kms. mais distante”. Por outra banda denunciaron que na mañá de hoxe aínda non estaba operativo o novo tramo inaugurado onte e acusou aos gobernos do Estado e da Xunta de montar grandes actos de propaganda arredor dun vial aínda inaccesíbel aos seus usurarios.
PARA OS MILITANTES DE BASE DO PP PORTAS ABERTAS E TRABAS AOS REPRESENTANTES INSTITUCIONAIS DOS CONCELLOS QUE DEMANDABAN AS OBRAS NA LU124
Os nacionalistas criticaron o excesivo despregue policial na inauguración da A8 do día de onte, onde se contaron preto de 30 vehículos policiais para unha concentración pacífica armada unicamente con dúas pancartas, “o PP gasta moito en excesos policiais e pouco en accesos viarios”. Nesta liña puxeron en cuestión as trabas e sucesivas consultas para permitir o paso aos alcaldes e respectivas corporacións dos concellos de Mondoñedo, Riotorto ou A Pastoriza que finalmente accederon sorprendéndose da presenza de militantes de base do Partido Popular que nin sequera foran invitados oficialmente. O BNG criticou as diferenzas de trato, a non ser que a simple militancia no partido ou a compañía de cargos institucionais do PP fora o pase necesario para acceder ao acto.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
