ADEGA quere expresar a súa solidariedade coa cidadanía afectada pola enxurrada da balsa mineira carballesa, veciñanza e concello que por certo veñen reclamando dende hai meses á Xunta un plano de seguranza para esta instalación, plano que agora chegará tarde.
Resulta curioso que este accidente aconteza nunha comarca arestora ameazada pola maior explotación de ouro a ceo aberto do estado: A mina de Corcoesto. Este proxecto mineiro tiña deseñado senllas balsas para as augas e lamas con altos contidos en arsénico e cianuro procedentes do lavado e do proceso de lixiviación do mineral, cunha capcidade conxunta de 11 millóns de m3.
De producírese un accidente similar ao acontecido onte no Monte Neme, a candidade vertida sería o duplo que en Aznalcóllar en 1998, e non só de metais pesados. Milleiros de toneladas de arsénico e cianuro baixarían pola bacía do Anllóns cara o mar, podendo depositar unha capa de case 3m de lamas tóxicas sobre as 400 hectáreas do esteiro do Anllóns e a ría de Ponteceso.
Resulta curioso comprobar que na DIA (Declaración de Impacto Ambiental) de Corcoesto que aprobou a Xunta non aparece a necesidade de contar cun Plano de Emerxencia Exterior, xa que consideraron aos residuos de arsénico e cianuro como “non tóxicos, non perigosos”.
As hipotecas ambientais da minaría
Mais este non é o único risco para a vida e o ambiente das balsas tóxicas deixadas pola actividade mineira. En Cervo, a balsa de lamas vermellas da fatoría de Alcoa (esta sí que conta cun Plano de Emerxencia Exterior), moi similar á que rachou en Hungría en 2010, pendura sobre a Mariña e acumula cada ano máis residuos.
E en Meirama (Cerceda) e As Pontes, as macrobalsas mineiras ácidas (denominadas eufemisticamente lagos) están moi lonxe de ser ese bucólico entorno que tentou vender Endesa, malia a todos os parabéns e permisos favorábeis da Xunta. En ambas as dúas instalacións, ao igual que en Corcoesto, minimizáronse os riscos sísmicos e ignorouse deliberadamente a toxicidade dos materiais depositados nelas.
O accidente da balsa mineira do Monte Neme exemplifica o que acontece cando unha administración mira máis polos intereses das empresas que pola saúde do ambiente e da cidadanía. Fuxir da responsabilidade de controlar e obrigar ás mineiras a cumprir coa lexislación ambiental, bendicindo administrativamente proxectos inseguros e delirantes como o de Corcoesto ou As Pontes, abeira a neglixencia criminal.
Que tería acontecido se a balsa accidentada fóra a de Corcoesto, á que a Xunta deu todas as beizóns ambientais? Quen faría fronte aos danos ao medio, aos recursos, os bens e a saúde da veciñanza afectada durante ducias de anos?
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
